30 Mehefin 2013
PR 09/13

Data Tueddiadau'r Farchnad Mis Mai gan y Gofrestrfa Tir

Mae data pris a dalwyd 2009-2013 ar gael nawr i'w lwytho i lawr am ddim fel Data Agored

Prisiau tai mis Mai wedi codi 0.1 y cant oddi ar fis Ebrill: prisiau tai cyfartalog yng Nghymru a Lloegr bellach yn £161,969
1,448 o adfeddiannau yng Nghymru a Lloegr yn ystod mis Mawrth 2013
De Ddwyrain Lloegr ar frig y tabl o geisiadau rhanbarthol ym mis Mai gyda 278,186 o geisiadau
Cyflwynwyd dros 56,800 o eiddo preswyl yng Nghymru a Lloegr i'w cofrestru ym mis Mai yn amrywio o £10,000 i £27 miliwn.

Mae data mis Mai o Fynegai Prisiau Tai y Gofrestrfa Tir yn dangos cynnydd prisiau blynyddol o 0.5 y cant sy'n mynd â gwerth eiddo cyfartalog yng Nghymru a Lloegr i £161,969. Mae'r newid misol o fis Ebrill i fis Mai yn dangos cynnydd o 0.1 y cant. Gostyngodd niferoedd yr adfeddiannau 27 y cant ym mis Mawrth 2013 i 1,448 o gymharu â 1,981 ym mis Mawrth 2012.

Y rhanbarth yng Nghymru a Lloegr welodd y cynnydd mwyaf yn ei werth eiddo cyfartalog yn ystod y 12 mis diwethaf yw Llundain gyda symudiad o 5 y cant.
Yn Nwyrain Canolbarth Lloegr gwelwyd y cynnydd misol mwyaf gyda symudiad o 2 y cant.
Y rhanbarth gyda'r gostyngiad pris blynyddol mwyaf yw Swydd Gaerefrog a’r Humber gyda gostyngiad o 2.2 y cant.
Dwyrain Lloegr welodd y gostyngiad misol mwyaf arwyddocaol mewn prisiau gyda gostyngiad o 0.7 y cant.
Mae'r ffigurau mwyaf cyfredol sydd ar gael yn dangos i nifer y gwerthiannau tai a gwblhawyd yng Nghymru a Lloegr ym mis Mawrth 2013 ostwng 15 y cant i 52,090 o gymharu â 61,334 ym mis Mawrth 2012.
Bu cynnydd o 21 y cant yn nifer yr eiddo a werthwyd am fwy nag £1 miliwn yng Nghymru a Lloegr ym mis Mawrth 2013 i 625 o 517 ym mis Mawrth 2012.
Gwelodd yr holl ranbarthau ostyngiad mewn adfeddiannau rhwng mis Mawrth 2012 a mis Mawrth 2013. Y rhanbarth welodd y gostyngiad mwyaf mewn adfeddiannau oedd Gogledd Ddwyrain Lloegr gyda gostyngiad o 39 y cant (mis Mawrth 2013 o gymharu â mis Mawrth 2012).

Llwythwch adroddiad llawn y Mynegai Prisiau Tai i lawr
Chwilio'r Mynegai Prisiau Tai
Ein Mynegai Prisiau Tai

Rhanbarth	Newid misol (oddi ar fis Ebrill 2013)	Newid blynyddol (oddi ar fis Mai 2012)	Pris cyfartalog (Mai 2013)
Dwyrain Canolbarth Lloegr	2.0%	0.3%	£123,404
Gogledd Ddwyrain Lloegr	1.5%	-2.1%	£97,910
Gogledd Orllewin Lloegr	1.3%	0.3%	£109,784
Llundain	0.7%	5.0%	£375,068
Gorllewin Canolbarth Lloegr	0.7%	0.3%	£129,311
Swydd Gaerefrog a’r Humber	0.7%	-2.2%	£115,324>
De Orllewin Lloegr	0.3%	0.7%	£173,612
Cymru a Lloegr	0.1%	0.5%	£127,689
De Ddwyrain Lloegr	-0.3%	0.8%	£209,676
Cymru	-0.6%	-1.2%	£114,330
Dwyrain Lloegr	-0.7%	0.7%	£173,767

Cyfartaledd prisiau yn ôl math o eiddo

Cyfartaledd prisiau yn ôl math o eiddo (Cymru a Lloegr)	Mai 2013	Mai 2012	Gwahaniaeth
Tŷ sengl	£255,327	£256,933	0.5%
Tŷ pâr	£152,508	£152,821	-0.2%
Tŷ teras	£122,016	£121,815	0.2%
Fflat/Fflat deulawr	£154,982	£151,936	2.0%
Holl	£161,969	£161,133	0.5%

Nifer y gwerthiannau, 2011-2012

Mis	Gwerthiannau 2012 (Cymru a Lloegr)	Gwerthiannau 2011 (Cymru a Lloegr)	Gwahaniaeth
Ionawr	43,754	37,645	16%
Chwefror	44,832	39,704	13%
Mawrth	61,334	46,784	31%
Ebrill	43,245	50,797	-15%
Mai	52,492	49,016	7%
Mehefin	59,815	57,760	4%
Gorffennaf	59,094	62,346	-5%
Awst	64,937	64,456	1%
Medi	52,746	63,590	-17%
Hydref	59,069	58,029	2%
Tachwedd	63,656	60,404	5%
Rhagfyr	56,248	63,626	-12%
Cyfanswm	661,222	654,157	1%

Nifer y gwerthiannau, 2012-2013

Mis	Gwerthiannau 2013 (Cymru a Lloegr)	Gwerthiannau 2012 (Cymru a Lloegr)	Gwahaniaeth
Ionawr	42,511	43,756	-3%
Chwefror	43,573	44,829	-3%
Mawrth	52,090	61,334	-15%

Adfeddiannau fesul rhanbarth

Adfeddiannau fesul rhanbarth	Mawrth 2013	Mawrth 2012	Gwahaniaeth
Dwyrain Lloegr	112	138	-24%
Dwyrain Canolbarth Lloegr	140	170	-18%
Llundain	151	223	-32%
Gogledd Ddwyrain Lloegr	42	69	-39%
Gogledd Orllewin Lloegr	328	439	-25%
De Ddwyrain Lloegr	180	229	-21%
De Orllewin Lloegr	93	134	-31%
Cymru	98	146	-33%
Gorllewin Canolbarth Lloegr	114	156	-27%
Swydd Gaerefrog a’r Humber	190	267	-29%
Cymru a Lloegr	1,448	1,981	-27%

Mae'r Data Trafodiad yn dangos i'r Gofrestrfa Tir gwblhau dros 1,209,400 o geisiadau gan ei chwsmeriaid (gyda a heb gyfrif) ym mis Mai. Mae hyn yn cynnwys 1,166,285 o geisiadau gan gwsmeriaid cyfrif gyda:

267,725 yn geisiadau mewn perthynas â thir cofrestredig (deliadau)
550,407 yn geisiadau i gael copi swyddogol o gofrestr neu gynllun teitl
163,081 yn chwiliadau
63,245 yn drafodion am werth.

Mynediad i'r set ddata trafodion llawn

Trafodion am werth

Tri phrif gwsmer	Trafodion am werth
My Home Move Limited	1,216
Countrywide Property Lawyers	996
O'Neill Patient	669

Chwiliadau

Tri phrif gwsmer	Chwiliadau
Enact	6,881
Optima Legal Services	5,441
O'Neill Patient	3,341

Ceisiadau fesul rhanbarth

Rhanbarth	Ceisiadau
De Ddwyrain Lloegr	278,186
Llundain Fwyaf	223,961
Gogledd Orllewin Lloegr	130,375
De Orllewin Lloegr	119,867
Gorllewin Canolbarth Lloegr	102,165
Swydd Gaerefrog a'r Humber	98,928
Dwyrain Canolbarth Lloegr	86,880
Gogledd Lloegr	58,873
Cymru	58,616
Dwyrain Anglia	51,441
Ynysoedd Sili	65
Cymru a Lloegr a (heb eu haseinio)	45
Cyfanswm	1,209,402

Mae'r Data pris a dalwyd yn cynnwys manylion dros 56,800 o werthiannau eiddo preswyl yng Nghymru a Lloegr a gyflwynwyd i'w cofrestru ym mis Mai 2013. Mae'r eiddo drutaf a werthwyd ym mis Mai 2013 wedi'i leoli yn Knightsbridge, canol Llundain, a werthwyd am £12.5 miliwn. Mae'r eiddo rhataf a werthwyd ym mis Mai 2013 wedi'i leoli yn Hartlepool, a werthwyd am £15,000.

Nawr gellir llwytho Data pris a dalwyd hanesyddol rhwng mis Ionawr 2009 a mis Ionawr 2012 i lawr am ddim ar ffurf CSV.

Mynediad i'r set ddata pris a dalwyd llawn

DIWEDD

Nodiadau i olygyddion

Cyhoeddir Data Tueddiadau'r Farchnad ar ugeinfed diwrnod gwaith pob mis. Cyhoeddir Mynegai Prisiau Tai a setiau data Trafodiad a Data pris a dalwyd mis Mehefin am 11 y bore ar ddydd Gwener 26 Gorffennaf2013.
Mae'r Grŵp Data Cyhoeddus yn dod â'r Gofrestrfa Tir, Ty’r Cwmnïau, y Swyddfa Dywydd a'r Arolwg Ordnans at ei gilydd i gydweithio i ddod o hyd i gyfleoedd a llywio effeithlonrwydd, yn ogystal â rhyddhau eu data i ddefnyddwyr ac ail-ddefnyddwyr am bris gostyngol neu am ddim.
Mae'r Drwydded Llywodraeth Agored (TLlA), a ddatblygwyd gan yr Archif Genedlaethol, yn caniatáu’r defnydd ac ail-ddefnydd rhydd o wybodaeth y sector gyhoeddus. I gael rhagor o wybodaeth ewch i http://www.nationalarchives.gov.uk/doc/open-government-licence
Fel adran o’r llywodraeth a sefydlwyd ym 1862, asiantaeth weithredol a chronfa fasnachu sy’n atebol i’r Ysgrifennydd Gwladol dros Fusnes, Arloesedd a Sgiliau, mae’r Gofrestrfa Tir yn cadw ac yn cynnal y Gofrestr Tir ar gyfer Cymru a Lloegr. Mae’r Gofrestr Tir yn ddogfen agored oddi ar 1990.
Gyda'r gronfa ddata o drafodion eiddo fwyaf o'r fath gyda manylion mwy na 23 miliwn o deitlau, mae'r Gofrestrfa Tir yn cefnogi'r economi trwy ddiogelu perchnogaeth eiddo sy'n werth biliynau o bunnoedd.
Mae'r Mynegai Prisiau Tai yn defnyddio sampl sy'n fwy na'r holl fesurau ystadegol eraill sydd ar gael. Mae'n cael ei gyfrifo ar sail set ddata'r Gofrestrfa Tir o holl werthiannau eiddo preswyl a gwblhawyd yng Nghymru a Lloegr oddi ar Ionawr 1995.
Mae set ddata'r Gofrestrfa Tir yn cynnwys manylion am 17 miliwn o drafodion preswyl. O'r rhain mae dros chwe miliwn yn barau cyfatebol y gellir eu hadnabod, sy'n darparu'r sail ar gyfer y dadansoddiad ailwerthiannau atchweliad a ddefnyddir i lunio'r mynegai. Mae'r dechnoleg addasu ansawdd hon yn sicrhau ein bod yn cymharu eiddo cyffelyb.
Mae'r Mynegai Prisiau Tai bellach ar gael fel Data Agored ar ffurf Excel a CSV a chaiff ei gyhoeddi ar ffurf y gellir ei ddarllen ar beiriant o fis Gorffennaf 2013.
Mae'r prif ystadegau ar gyfer Cymru a Lloegr ar dudalen 14 yr adroddiad Mynegai Prisiau Tai misol yn cynnwys data adfeddiannau ychwanegol.
Mae'r data adfeddiannau yn seiliedig ar nifer y trafodion a gyflwynwyd i'r Gofrestrfa Tir gan roddwyr benthyg sy'n arfer eu pŵer gwerthu. Unwaith y byddwn wedi nodi'r trafodion hyn, rydym yn tynnu'r wybodaeth pris a dalwyd o'r cofnod perthnasol yn y gofrestr.
Er bod y Mynegai yn mynd yn ôl i Ionawr 1995, dim ond oddi ar 2006 rydym wedi bod yn cofnodi adfeddiannau'n gynhwysfawr. Mae hyn yn golygu nad yw data adfeddiannau hanesyddol ar gael cyn mis Ionawr 2006. Gweler Am y Mynegai Prisiau Tai i gael rhagor o wybodaeth.
Mae'r Data Trafodiad misol yn dangos faint o geisiadau am gofrestriadau cyntaf, prydlesi, trosglwyddiadau o ran, deliadau, copïau swyddogol a chwiliadau a gyflwynwyd gan gwsmeriaid cyfrif y Gofrestrfa Tir. Gweler esboniad o'r termau a ddefnyddir.
Mae trafodion am werth yn cynnwys gwerthiannau rhydd-ddaliol a phrydlesol.
Mae'r rhan fwyaf o chwiliadau a gyflawnir gan gyfreithiwr neu drawsgludwr er mwyn gwarchod pryniant a/neu forgais. Er enghraifft, bydd chwiliad yn rhoi blaenoriaeth i brynwr am gais i'r Gofrestrfa Tir i gofrestru pryniant eiddo. Rhagor o wybodaeth am y gwahanol fathau o chwiliadau.
Mae'r Data Pris a Dalwyd yn ddata prisiau eiddo preswyl ar gyfer unrhyw werthiannau eiddo preswyl yng Nghymru a Lloegr a gyflwynir i ni i'w cofrestru yn ystod y mis hwnnw. Mae'r wybodaeth ganlynol ar gael ar gyfer pob eiddo:
- y cyfeiriad llawn
- y pris a dalwyd
- dyddiad y trosglwyddiad
- y math o eiddo
- ai adeilad newydd yw'r eiddo ai peidio
- ai rhydd-ddaliol neu brydlesol yw'r eiddo
Gellir ei llwytho i lawr o wefan y Gofrestrfa Tir fel cipolwg misol o'n cronfa ddata pris a dalwyd ac mae ar gael i bawb ei harchwilio neu ei hail-ddefnyddio am ddim o dan y TLlA.
Nawr gellir llwytho Data pris a dalwyd hanesyddol rhwng mis Ionawr 2009 a mis Ionawr 2012 i lawr am ddim ar ffurf csv yn http://www.cofrestrfatir.gov.uk/professional/market-trend-data/public-data/price-paid-data
I gael Data Pris a Dalwyd hanesyddol rhwng 1995 a 2008, anfonwch ebost at addvalueservices@landregistry.gsi.gov.uk neu ffoniwch 0800 678 1678. Codir tâl am yr adroddiadau hyn er y byddant ar gael i'w llwytho i lawr am ddim erbyn mis Tachwedd 2013.

Cysylltu

Marion Shelley 0300 0067543, 07790 690297, marion.shelley@landregistry.gsi.gov.uk
Dilynwch ni ar Twitter @LandRegGov
Dewch o hyd i ni ar LinkedIn a Facebook