Data Tueddiadau'r Farchnad mis Ionawr gan y Gofrestrfa Tir
- Prisiau tai mis Ionawr yn codi 1.0 y cant oddi ar fis Rhagfyr: prisiau tai cyfartalog yng Nghymru a Lloegr bellach yn £162,441
- 1,589 o adfeddiannau yng Nghymru a Lloegr yn ystod mis Tachwedd 2012, Niferoedd yr adfeddiannau bellach wedi'u cynnwys yn adroddiad misol y Mynegai Prisiau Tai
- De Ddwyrain Lloegr ar frig y tabl o geisiadau rhanbarthol ym mis Ionawr gyda 251,121 o geisiadau
- Cyflwynwyd dros 65,500 o eiddo preswyl yng Nghymru a Lloegr i'w cofrestru ym mis Ionawr yn amrywio o £10,000 i £20.5 miliwn
Mae data mis Ionawr o Fynegai Prisiau Tai blaenllaw y Gofrestrfa Tir yn dangos cynnydd prisiau blynyddol o 1.0 y cant sy'n mynd â gwerth eiddo cyfartalog yng Nghymru a Lloegr i £162,441. Mae'r newid misol o fis Rhagfyr i fis Ionawr yn gynnydd o 1.0 y cant. Gostyngodd niferoedd yr adfeddiannau 11 y cant ym mis Tachwedd 2012 i 1,589 o gymharu â 1,777 ym mis Tachwedd 2011.
- Y rhanbarth yng Nghymru a Lloegr welodd y cynnydd mwyaf yn ei werth eiddo cyfartalog yn ystod y 12 mis diwethaf yw Llundain gyda symudiad o 7.1 y cant.
- Llundain welodd y cynnydd misol mwyaf hefyd gyda chynnydd o 2.5 y cant.
- Gwelodd Gogledd Orllewin Lloegr y gostyngiad prisiau blynyddol mwyaf gyda gostyngiad o 4.2 y cant.
- Gogledd Orllewin Lloegr welodd y gostyngiad misol mwyaf arwyddocaol mewn prisiau hefyd gyda gostyngiad o 1.9 y cant.
- Mae'r ffigurau mwyaf cyfredol sydd ar gael yn dangos i nifer y gwerthiannau tai a gwblhawyd yng Nghymru a Lloegr ym mis Tachwedd 2012 gynyddu 1 y cant i 61,091 o gymharu â 60,369 ym mis Tachwedd 2011.
- Mae nifer yr eiddo yng Nghymru a Lloegr a werthwyd am fwy nag £1 miliwn ym mis Tachwedd 2012 wedi cynyddu 19 y cant i 657 o 554 ym mis Tachwedd 2011.
- Yr unig ranbarth i weld cynnydd o ran adfeddiannau yw Cymru gyda chynnydd blynyddol o 21 y cant (Tachwedd 2012 o gymharu â mis Tachwedd 2011).
Llwythwch yr adroddiad Mynegai Prisiau Tai llawn i lawr Chwilio'r Mynegai Prisiau Tair Am y Mynegai Prisiau Tai
| Rhanbarth | Newid misol (oddi ar fis Rhagfyr 2012) | Newid blynyddol (oddi ar fis Ionawr 2012) | Pris cyfartalog (Ionawr 2013) |
|---|---|---|---|
| Llundain | 2.5% | 7.1% | £373,207 |
| Gorllewin Canolbarth Lloegr | 1.6% | 1.1% | £130,391 |
| Dwyrain Lloegr | 1.5% | 1.4% | £175,187 |
| Gogledd Ddwyrain Lloegr | 1.1% | -2.3% | £99,294 |
| De Ddwyrain Lloegr | 1.0% | 2.6% | £211,054 |
| Cymru a Lloegr | 1.0% | 1.0% | £162,441 |
| Cymru | 1.0% | 0.9% | £116,545 |
| De Orllewin Lloegr | 0.8% | 0.2% | £172,311 |
| Swydd Gaerefrog a’r Humber | -0.9% | -3.7% | £114,669 |
| Dwyrain Canolbarth Lloegr | -1.3% | -1.2% | £121,072 |
| Gogledd Orllewin Lloegr | -1.9% | -4.2% | £106,527 |
| Cyfartaledd prisiau yn ôl math o eiddo (Cymru a Lloegr) | Ionawr 2013 | Ionawr 2012 | Gwahaniaeth |
|---|---|---|---|
| Tŷ sengl | £257,724 | £254,557 | 1.2% |
| Tŷ pâr | £153, 931 | £153,047 | 0.6% |
| Tŷ teras | £122,140 | £121,349 | 0.7% |
| Fflat/Fflat deulawr | £153, 940 | £151,048 | 1.9% |
| Holl | £162,441 | £160,839 | 1.0% |
| Mis | Gwerthiannau 2012 (Cymru a Lloegr) | Gwerthiannau 2011 (Cymru a Lloegr) | Gwahaniaeth |
|---|---|---|---|
| Ionawr | 43,736 | 37,630 | 16% |
| Chwefror | 44,790 | 39,695 | 13% |
| Mawrth | 61,269 | 46,769 | 31% |
| Ebrill | 43,196 | 50,777 | -15% |
| Mai | 52,377 | 48,999 | 7% |
| Mehefin | 59,577 | 57,741 | 3% |
| Gorffennaf | 58,852 | 62,331 | -6% |
| Awst | 64,573 | 64,436 | 0% |
| Medi | 52,177 | 63,567 | -18% |
| Hydref | 57,947 | 58,006 | 0% |
| Tachwedd | 61,091 | 60,369 | 1% |
| Adfeddiannau fesul rhanbarth | Tachwedd 2012 | Tachwedd 2011 | Gwahaniaeth |
|---|---|---|---|
| Dwyrain Lloegr | 145 | 162 | -10% |
| Dwyrain Canolbarth Lloegr | 119 | 206 | -42% |
| Llundain | 162 | 170 | -5% |
| Gogledd Ddwyrain Lloegr | 44 | 48 | -8% |
| Gogledd Orllewin Lloegr | 347 | 356 | -3% |
| De Ddwyrain Lloegr | 197 | 224 | -12% |
| De Orllewin Lloegr | 82 | 109 | -25% |
| Cymru | 141 | 117 | 21% |
| Gorllewin Canolbarth Lloegr | 131 | 140 | -6% |
| Swydd Gaerefrog a’r Humber | 221 | 245 | -10% |
| Cymru a Lloegr | 1,589 | 1,777 | -11% |
Mae'r Data Trafodiad yn dangos i'r Gofrestrfa Tir gwblhau dros 1,108,000 o geisiadau gan ei chwsmeriaid (gyda a heb gyfrif) ym mis Ionawr. Mae hyn yn cynnwys 1,064,521 o geisiadau gan gwsmeriaid cyfrif, gyda:
- 268,817 ohonynt yn geisiadau mewn perthynas â thir cofrestredig (deliadau)
- 474,972 yn geisiadau i gael copi swyddogol o gofrestr neu gynllun teitl
- 146,011 yn chwiliadau
- 62,078 yn drafodion am werth.
| Tri phrif gwsmer | Trafodion am werth |
|---|---|
| My Home Move Limited | 1,113 |
| Countrywide Property Lawyers | 1,036 |
| O'Neill Patient | 571 |
| Tri phrif gwsmer | Chwiliadau |
|---|---|
| Enact | 4,967 |
| Optima Legal Services | 4,786 |
| TM Group (UK) Ltd (Search Choice) | 4,025 |
| Rhanbarth | Ceisiadau |
|---|---|
| De Ddwyrain Lloegr | 251,121 |
| Llundain Fwyaf | 205,023 |
| Gogledd Orllewin Lloegr | 121,627 |
| De Orllewin Lloegr | 109,627 |
| Gorllewin Canolbarth Lloegr | 94,709 |
| Swydd Gaerefrog a'r Humber | 93,053 |
| Dwyrain Canolbarth Lloegr | 80,776 |
| Cymru | 54,730 |
| Gogledd Lloegr | 52,133 |
| Dwyrain Anglia | 45,155 |
| Ynysoedd Sili | 44 |
| Cymru a Lloegr (heb eu haseinio) | 42 |
| Cyfanswm | 1,108,040 |
Mae'r Data pris a dalwyd yn cynnwys manylion dros 65,500 o werthiannau eiddo preswyl yng Nghymru a Lloegr a gyflwynwyd i'w cofrestru ym mis Ionawr 2013. Mae'r eiddo drutaf a werthwyd ym mis Ionawr 2013 wedi'i leoli yn Kensington a Chelsea, Llundain, a werthwyd am £8.6 miliwn. Mae'r eiddo rhataf a werthwyd ym mis Ionawr 2013 wedi'i leoli yn Durham, a werthwyd am £10,000.
DIWEDD
Nodiadau i olygyddion
- Cyhoeddir Data Tueddiadau'r Farchnad ar ugeinfed diwrnod gwaith pob mis. Cyhoeddir Mynegai Prisiau Tai a setiau data Trafodiad a Data pris a dalwyd mis Chwefror am 11 y bore ar ddydd Iau 28 Mawrth 2013.
- Mae'r Grŵp Data Cyhoeddus yn dod â'r Gofrestrfa Tir, Tŷ’r Cwmnïau, y Swyddfa Dywydd a'r Arolwg Ordnans at ei gilydd i gydweithio i ddod o hyd i gyfleoedd a llywio effeithlonrwydd, yn ogystal â rhyddhau eu data i ddefnyddwyr ac ail-ddefnyddwyr am bris gostyngol neu am ddim.
- Mae'r Drwydded Llywodraeth Agored (TLlA), a ddatblygwyd gan yr Archif Genedlaethol, yn caniatáu’r defnydd ac ail-ddefnydd rhydd o wybodaeth y sector gyhoeddus. I gael rhagor o wybodaeth ewch i http://www.nationalarchives.gov.uk/doc/open-government-licence
- Fel adran o’r llywodraeth a sefydlwyd ym 1862, asiantaeth weithredol a chronfa fasnachu sy’n atebol i’r Ysgrifennydd Gwladol dros Fusnes, Arloesedd a Sgiliau, mae’r Gofrestrfa Tir yn cadw ac yn cynnal y Gofrestr Tir ar gyfer Cymru a Lloegr. Mae’r Gofrestr Tir yn ddogfen agored oddi ar 1990.
- Gyda'r gronfa ddata o drafodion eiddo fwyaf o'r fath gyda manylion mwy na 23 miliwn o deitlau, mae'r Gofrestrfa Tir yn cefnogi'r economi trwy ddiogelu perchnogaeth eiddo sy'n werth biliynau o bunnoedd.
- Mae'r Mynegai Prisiau Tai yn defnyddio sampl sy'n fwy na'r holl fesurau ystadegol eraill sydd ar gael. Mae'n cael ei gyfrifo ar sail set ddata'r Gofrestrfa Tir o holl werthiannau eiddo preswyl a gwblhawyd yng Nghymru a Lloegr oddi ar Ionawr 1995.
- Mae set ddata'r Gofrestrfa Tir yn cynnwys manylion am 17 miliwn o drafodion preswyl. O'r rhain mae dros chwe miliwn yn barau cyfatebol y gellir eu hadnabod, sy'n darparu'r sail ar gyfer y dadansoddiad ailwerthiannau atchweliad a ddefnyddir i lunio'r mynegai. Mae'r dechnoleg addasu ansawdd hon yn sicrhau ein bod yn cymharu eiddo cyffelyb.
- Mae'r prif ystadegau ar gyfer Cymru a Lloegr ar dudalen 14 yr adroddiad Mynegai Prisiau Tai misol yn cynnwys data adfeddiannau ychwanegol.
- Mae'r data adfeddiannau yn seiliedig ar nifer y trafodion a gyflwynwyd i'r Gofrestrfa Tir gan roddwyr benthyg sy'n arfer eu pwer gwerthu. Unwaith y byddwn wedi nodi'r trafodion hyn, rydym yn tynnu'r wybodaeth pris a dalwyd o'r cofnod perthnasol yn y gofrestr.
- Er bod y Mynegai yn mynd yn ôl i Ionawr 1995, dim ond oddi ar 2006 rydym wedi bod yn cofnodi adfeddiannau'n gynhwysfawr. Mae hyn yn golygu nad yw data adfeddiannau hanesyddol ar gael cyn mis Ionawr 2006. Gweler http://www.cofrestrfatir.gov.uk/public/house-prices-and-sales/about-hpi i gael rhagor o wybodaeth.
- Mae'r Data Trafodiad misol yn dangos faint o geisiadau am gofrestriadau cyntaf, prydlesi, trosglwyddiadau o ran, deliadau, copïau swyddogol a chwiliadau a gyflwynwyd gan gwsmeriaid cyfrif y Gofrestrfa Tir. I gael esboniad o'r termau a ddefnyddir, ewch i http://www.cofrestrfatir.gov.uk/professional/market-trend-data/public-data/faqs#m11
- Mae trafodion am werth yn cynnwys gwerthiannau rhydd-ddaliol a phrydlesol.
- Mae'r rhan fwyaf o chwiliadau a gyflawnir gan gyfreithiwr neu drawsgludwr er mwyn gwarchod pryniant a/neu forgais. Er enghraifft, bydd chwiliad yn rhoi blaenoriaeth i brynwr am gais i'r Gofrestrfa Tir i gofrestru pryniant eiddo. I gael rhagor o wybodaeth am y gwahanol fathau o chwiliadau, ewch i http://www.cofrestrfatir.gov.uk/professional/market-trend-data/public-data/faqs#m11
- Mae'r Data Pris a Dalwyd yn ddata prisiau eiddo preswyl ar gyfer unrhyw werthiannau eiddo preswyl yng Nghymru a Lloegr a gyflwynir i ni i'w cofrestru yn ystod y mis hwnnw. Mae'r wybodaeth ganlynol ar gael ar gyfer pob eiddo:
- y cyfeiriad llawn
- y pris a dalwyd
- dyddiad y trosglwyddiad
- y math o eiddo
- ai adeilad newydd yw'r eiddo ai peidio
- ai rhydd-ddaliol neu brydlesol yw'r eiddo.
- Gellir ei llwytho i lawr o wefan y Gofrestrfa Tir fel cipolwg misol o'n cronfa ddata pris a dalwyd yn http://www.cofrestrfatir.gov.uk/professional/market-trend-data/public-data/price-paid-data ac mae ar gael i bawb ei harchwilio neu ei hail-ddefnyddio am ddim o dan y TLlA.
- I gael Data Pris a Dalwyd hanesyddol, anfonwch ebost at addvalueservices@landregistry.gsi.gov.uk oneu ffoniwch 0800 678 1678. Codir tâl am yr adroddiadau hyn.
Cysylltu
- Marion Shelley 0300 0067543, 07790 690297, marion.shelley@landregistry.gsi.gov.uk
- Dilynwch ni ar Twitter @LandRegGov
- Dewch o hyd i ni ar LinkedIn
