30 Mai 2013
PR 09/13

Data Tueddiadau'r Farchnad Mis Ebrill gan y Gofrestrfa Tir

Prisiau tai mis Ebrill wedi codi 0.4 y cant oddi ar fis Mawrth: prisiau tai cyfartalog yng Nghymru a Lloegr bellach yn £161,458
1,293 o adfeddiannau yng Nghymru a Lloegr yn ystod mis Chwefror 2013
De Ddwyrain Lloegr ar frig y tabl o geisiadau rhanbarthol ym mis Ebrill gyda 269,249 o geisiadau
Cyflwynwyd dros 54,450 o eiddo preswyl yng Nghymru a Lloegr i'w cofrestru ym mis Ebrill yn amrywio o £10,000 i £14.5 miliwn.

Mae data mis Ebrill o Fynegai Prisiau Tai y Gofrestrfa Tir yn dangos cynnydd prisiau blynyddol o 0.7 y cant sy'n mynd â gwerth eiddo cyfartalog yng Nghymru a Lloegr i £161,458. Mae'r newid misol o fis Mawrth i fis Ebrill yn gynnydd o 0.4 y cant. Gostyngodd niferoedd yr adfeddiannau 28 y cant ym mis Chwefror 2013 i 1,293 o gymharu â 1,788 ym mis Chwefror 2012.

Y rhanbarth yng Nghymru a Lloegr welodd y cynnydd mwyaf yn ei werth eiddo cyfartalog yn ystod y 12 mis diwethaf yw Llundain gyda symudiad o 6.2 y cant.
Llundain welodd y cynnydd pris misol mwyaf hefyd gyda symudiad o 1.4 y cant.
Gogledd Ddwyrain Lloegr yw’r rhanbarth a welodd y gostyngiad prisiau blynyddol mwyaf gyda symudiad o -5.7 y cant.
Gogledd Ddwyrain Lloegr welodd y gostyngiad misol mwyaf arwyddocaol mewn prisiau hefyd gyda gostyngiad o 1.6 y cant.
Mae'r ffigurau mwyaf cyfredol sydd ar gael yn dangos i nifer y gwerthiannau tai a gwblhawyd yng Nghymru a Lloegr ym mis Chwefror 2013 ostwng 3 y cant i 43,573 o gymharu â 44,829 ym mis Chwefror 2012.
Bu cynnydd o 3 y cant yn nifer yr eiddo a werthwyd am fwy nag £1 miliwn yng Nghymru a Lloegr ym mis Chwefror 2013 i 488 o 475 ym mis Chwefror 2012.
Gwelodd yr holl ranbarthau ostyngiad mewn adfeddiannau rhwng mis Chwefror 2012 a mis Chwefror 2013. Y rhanbarth welodd y gostyngiad mwyaf mewn adfeddiannau oedd Gorllewin Canolbarth Lloegr (mis Chwefror 2013 o gymharu â mis Chwefror 2012).

Llwythwch adroddiad llawn y Mynegai Prisiau Tai i lawr
Chwilio'r Mynegai Prisiau Tai
Ein Mynegai Prisiau Tai

Rhanbarth	Newid misol (oddi ar fis Mawrth 2013)	Newid blynyddol (oddi ar fis Ebrill 2012)	Pris cyfartalog (Ebrill 2013)
Llundain	1.4%	6.2%	£375,795
De Orllewin Lloegr	0.8%	0.3%	£172,720
Dwyrain Lloegr	0.8%	0.3%	£174,741
Gogledd Orllewin Lloegr	0.6%	-3.7%	£107,184
Cymru a Lloegr	0.4%	0.7%	£161,458
De Ddwyrain Lloegr	0.3%	1.4%	£209,750
Swydd Gaerefrog a’r Humber	-0.8%	-1.2%	£114,619
Gorllewin Canolbarth Lloegr	-0.9%	0.5%	£127,689
Cymru	-0.9%	-2.0%	£114,444
Dwyrain Canolbarth Lloegr	-1.4%	-1.2%	£120,544
Gogledd Ddwyrain Lloegr	-1.6%	-5.7%	£95,546

Cyfartaledd prisiau yn ôl math o eiddo

Cyfartaledd prisiau yn ôl math o eiddo (Cymru a Lloegr)	Ebrill 2013	Ebrill 2012	Gwahaniaeth
Ty sengl	£255,006	£256,148	-0.4%
Ty pâr	£153,119	£151,860	0.8%
Ty teras	£122,134	£121,369	0.6%
Fflat/Fflat deulawr	£152,313	£149,538	1.9%
Holl	£161,458	£160,373	0.79%

Nifer y gwerthiannau, 2011-2012

Mis	Gwerthiannau 2012 (Cymru a Lloegr)	Gwerthiannau 2011 (Cymru a Lloegr)	Gwahaniaeth
Ionawr	43,752	37,644	16%
Chwefror	44,829	39,703	13%
Mawrth	61,327	46,781	31%
Ebrill	43,238	50,794	-15%
Mai	52,481	49,013	7%
Mehefin	59,787	57,757	4%
Gorffennaf	59,068	62,347	-5%
Awst	64,888	64,455	1%
Medi	52,707	63,588	-17%
Hydref	58,989	58,027	2%
Tachwedd	63,497	60,399	5%
Rhagfyr	55,963	63,618	-12%
Cyfanswm	660,530	654,126	1%

Nifer y gwerthiannau, 2012-2013

Mis	Gwerthiannau 2013 (Cymru a Lloegr)	Gwerthiannau 2012 (Cymru a Lloegr)	Gwahaniaeth
Ionawr	42,511	43,756	-3%
Chwefror	43,573	44,829	-3%

Adfeddiannau fesul rhanbarth

Adfeddiannau fesul rhanbarth	Chwefror 2013	Chwefror 2012	Gwahaniaeth
Dwyrain Lloegr	95	138	-31%
Dwyrain Canolbarth Lloegr	126	197	-36%
Llundain	117	165	-29%
Gogledd Ddwyrain Lloegr	45	52	-13%
Gogledd Orllewin Lloegr	321	367	-113%
De Ddwyrain Lloegr	151	236	-36%
De Orllewin Lloegr	71	108	-34%
Cymru	95	135	-30%
Gorllewin Canolbarth Lloegr	97	166	-42%
Swydd Gaerefrog a’r Humber	175	224	-22%
Cymru a Lloegr	1,293	1,788	-28%

Mae'r Data Trafodiad yn dangos i'r Gofrestrfa Tir gwblhau dros 1,168,800 o geisiadau gan ei chwsmeriaid (gyda a heb gyfrif) ym mis Ebrill. Mae hyn yn cynnwys 1,124,323 o geisiadau gan gwsmeriaid cyfrif gyda:

261,772 yn geisiadau mewn perthynas â thir cofrestredig (deliadau)
530,698 yn geisiadau i gael copi swyddogol o gofrestr neu gynllun teitl
149,318 yn chwiliadau
54,064 yn drafodion am werth.

Mynediad i'r set ddata trafodion llawn

Trafodion am werth

Tri phrif gwsmer	Trafodion am werth
My Home Move Limited	920
Countrywide Property Lawyers	835
O'Neill Patient	552

Chwiliadau

Tri phrif gwsmer	Chwiliadau
Enact	5,938
Optima Legal Services	5,065
O'Neill Patient	3,475

Ceisiadau fesul rhanbarth

Rhanbarth	Ceisiadau
De Ddwyrain Lloegr	269,249
Llundain Fwyaf	213,033
Gogledd Orllewin Lloegr	126,603
De Orllewin Lloegr	114,731
Gorllewin Canolbarth Lloegr	99,316
Swydd Gaerefrog a'r Humber	96,726
Dwyrain Canolbarth Lloegr	85,575
Cymru	58,566
Gogledd Lloegr	55,516
Dwyrain Anglia	49,447
Ynysoedd Sili	39
Cymru a Lloegr a (heb eu haseinio)	39
Cyfanswm	1,168,834

Mae'r Data pris a dalwyd yn cynnwys manylion dros 54,450 o werthiannau eiddo preswyl yng Nghymru a Lloegr a gyflwynwyd i'w cofrestru ym mis Ebrill 2013. Mae'r eiddo drutaf a werthwyd ym mis Ebrill 2013 wedi'i leoli yn Knightsbridge, canol Llundain, a werthwyd am dros £14.5 miliwn. Mae'r eiddo rhataf a werthwyd ym mis Ebrill 2013 wedi'i leoli yn Platt Bridge y tu allan i Wigan, Manceinion Fwyaf a werthwyd am £10,000.

Mynediad i'r set ddata pris a dalwyd llawn

DIWEDD

Nodiadau i olygyddion

Cyhoeddir Data Tueddiadau'r Farchnad ar ugeinfed diwrnod gwaith pob mis. Cyhoeddir Mynegai Prisiau Tai a setiau data Trafodiad a Data pris a dalwyd mis Mai am 11 y bore ar ddydd Gwener 28 Mehefin 2013.
Mae'r Grŵp Data Cyhoeddus yn dod â'r Gofrestrfa Tir, Ty’r Cwmnïau, y Swyddfa Dywydd a'r Arolwg Ordnans at ei gilydd i gydweithio i ddod o hyd i gyfleoedd a llywio effeithlonrwydd, yn ogystal â rhyddhau eu data i ddefnyddwyr ac ail-ddefnyddwyr am bris gostyngol neu am ddim.
Mae'r Drwydded Llywodraeth Agored (TLlA), a ddatblygwyd gan yr Archif Genedlaethol, yn caniatáu’r defnydd ac ail-ddefnydd rhydd o wybodaeth y sector gyhoeddus. I gael rhagor o wybodaeth ewch i http://www.nationalarchives.gov.uk/doc/open-government-licence
Fel adran o’r llywodraeth a sefydlwyd ym 1862, asiantaeth weithredol a chronfa fasnachu sy’n atebol i’r Ysgrifennydd Gwladol dros Fusnes, Arloesedd a Sgiliau, mae’r Gofrestrfa Tir yn cadw ac yn cynnal y Gofrestr Tir ar gyfer Cymru a Lloegr. Mae’r Gofrestr Tir yn ddogfen agored oddi ar 1990.
Gyda'r gronfa ddata o drafodion eiddo fwyaf o'r fath gyda manylion mwy na 23 miliwn o deitlau, mae'r Gofrestrfa Tir yn cefnogi'r economi trwy ddiogelu perchnogaeth eiddo sy'n werth biliynau o bunnoedd.
Mae'r Mynegai Prisiau Tai yn defnyddio sampl sy'n fwy na'r holl fesurau ystadegol eraill sydd ar gael. Mae'n cael ei gyfrifo ar sail set ddata'r Gofrestrfa Tir o holl werthiannau eiddo preswyl a gwblhawyd yng Nghymru a Lloegr oddi ar Ionawr 1995.
Mae set ddata'r Gofrestrfa Tir yn cynnwys manylion am 17 miliwn o drafodion preswyl. O'r rhain mae dros chwe miliwn yn barau cyfatebol y gellir eu hadnabod, sy'n darparu'r sail ar gyfer y dadansoddiad ailwerthiannau atchweliad a ddefnyddir i lunio'r mynegai. Mae'r dechnoleg addasu ansawdd hon yn sicrhau ein bod yn cymharu eiddo cyffelyb.
Mae'r Mynegai Prisiau Tai bellach ar gael fel Data Agored ar ffurf Excel a CSV a chaiff ei gyhoeddi ar ffurf y gellir ei ddarllen ar beiriant o fis Gorffennaf 2013.
Mae'r prif ystadegau ar gyfer Cymru a Lloegr ar dudalen 14 yr adroddiad Mynegai Prisiau Tai misol yn cynnwys data adfeddiannau ychwanegol.
Mae'r data adfeddiannau yn seiliedig ar nifer y trafodion a gyflwynwyd i'r Gofrestrfa Tir gan roddwyr benthyg sy'n arfer eu pŵer gwerthu. Unwaith y byddwn wedi nodi'r trafodion hyn, rydym yn tynnu'r wybodaeth pris a dalwyd o'r cofnod perthnasol yn y gofrestr.
Er bod y Mynegai yn mynd yn ôl i Ionawr 1995, dim ond oddi ar 2006 rydym wedi bod yn cofnodi adfeddiannau'n gynhwysfawr. Mae hyn yn golygu nad yw data adfeddiannau hanesyddol ar gael cyn mis Ionawr 2006. Gweler Am y Mynegai Prisiau Tai i gael rhagor o wybodaeth.
Mae'r Data Trafodiad misol yn dangos faint o geisiadau am gofrestriadau cyntaf, prydlesi, trosglwyddiadau o ran, deliadau, copïau swyddogol a chwiliadau a gyflwynwyd gan gwsmeriaid cyfrif y Gofrestrfa Tir. Gweler esboniad o'r termau a ddefnyddir.
Mae trafodion am werth yn cynnwys gwerthiannau rhydd-ddaliol a phrydlesol.
Mae'r rhan fwyaf o chwiliadau a gyflawnir gan gyfreithiwr neu drawsgludwr er mwyn gwarchod pryniant a/neu forgais. Er enghraifft, bydd chwiliad yn rhoi blaenoriaeth i brynwr am gais i'r Gofrestrfa Tir i gofrestru pryniant eiddo. Rhagor o wybodaeth am y gwahanol fathau o chwiliadau.
Mae'r Data Pris a Dalwyd yn ddata prisiau eiddo preswyl ar gyfer unrhyw werthiannau eiddo preswyl yng Nghymru a Lloegr a gyflwynir i ni i'w cofrestru yn ystod y mis hwnnw. Mae'r wybodaeth ganlynol ar gael ar gyfer pob eiddo:
- y cyfeiriad llawn
- y pris a dalwyd
- dyddiad y trosglwyddiad
- y math o eiddo
- ai adeilad newydd yw'r eiddo ai peidio
- ai rhydd-ddaliol neu brydlesol yw'r eiddo
Gellir ei llwytho i lawr o wefan y Gofrestrfa Tir fel cipolwg misol o'n cronfa ddata pris a dalwyd ac mae ar gael i bawb ei harchwilio neu ei hail-ddefnyddio am ddim o dan y TLlA.
I gael Data Pris a Dalwyd hanesyddol, anfonwch ebost at addvalueservices@landregistry.gsi.gov.uk neu ffoniwch 0800 678 1678. Codir tâl am yr adroddiadau hyn, fodd bynnag maent ar gael i'w llwytho i lawr am ddim o 28 Mehefin 2013.

Cysylltu

Marion Shelley 0300 0067543, 07790 690297, marion.shelley@landregistry.gsi.gov.uk
Dilynwch ni ar Twitter @LandRegGov
Dewch o hyd i ni ar LinkedIn a Facebook