Data Tueddiadau’r Farchnad mis Rhagfyr gan y Gofrestrfa Tir

Prisiau mis Rhagfyr wedi codi 1.1 y cant oddi ar fis Tachwedd: pris tai cyfartalog yng Nghymru a Lloegr bellach yn £167,353
1,129 o adfeddiannau yng Nghymru a Lloegr yn ystod mis Hydref 2013
De Ddwyrain Lloegr ar frig y tabl o geisiadau rhanbarthol ym mis Rhagfyr gyda 256,440 o geisiadau
Cyflwynwyd dros 76,500 o eiddo preswyl yng Nghymru a Lloegr i’w cofrestru ym mis Rhagfyr yn amrywio o £10,500 i dros £19 miliwn

Mae data mis Rhagfyr o Fynegai Prisiau Tai y Gofrestrfa Tir yn dangos cynnydd prisiau blynyddol o 4.4 y cant sy’n mynd â gwerth eiddo cyfartalog yng Nghymru a Lloegr i £167,353. Mae’r newid misol o fis Tachwedd i fis Rhagfyr yn dangos cynnydd o 1.1 y cant. Gostyngodd nifer yr adfeddiannau 31 y cant ym mis Hydref 2013 i 1,129 o gymharu â 1,636 ym mis Hydref 2012.

Y rhanbarth yng Nghymru a Lloegr welodd y cynnydd mwyaf yn ei werth eiddo cyfartalog yn ystod 12 mis diwethaf yw Llundain gyda symudiad o 11.2 y cant.
Llundain welodd y cynnydd misol mwyaf hefyd gyda symudiad o 2.6 y cant.
Yr unig ranbarth welodd ostyngiad pris blynyddol yw Gogledd Ddwyrain Lloegr gyda gostyngiad o 0.1 y cant.
Swydd Gaerefrog a’r Humber welodd y gostyngiad prisiau misol mwyaf arwyddocaol gyda symudiad -1.2 y cant.
Mae’r ffigurau mwyaf cyfredol sydd ar gael yn dangos i nifer y gwerthiannau tai a gwblhawyd yng Nghymru a Lloegr ym mis Hydref 2013 gynyddu 21 y cant i 71,929 o gymharu â 59,213 ym mis Hydref 2012.
Mae nifer yr eiddo yng Nghymru a Lloegr a werthwyd am fwy nag £1 miliwn ym mis Hydref 2013 wedi cynyddu 40 y cant i 913 o 651 ym mis Hydref 2012.
Y rhanbarthau welodd y gostyngiad mwyaf mewn adfeddiannau oedd Dwyrain Canolbarth Lloegr a De Orllewin Lloegr.

Llwythwch adroddiad llawn Mynegai Prisiau Tai mis Rhagfyr 2013 i lawr (PDF, 443KB)
Mynediad i'r set lawn o ddata
Chwilio'r Mynegai Prisiau Tai
Am y Mynegai Prisiau Tai

Rhanbarth	Newid misol (oddi ar fis Tachwedd 2013)	Newid blynyddol (oddi ar fis Rhagfyr 2012)	Pris cyfartalog (Rhagfyr 2013)
Llundain	2.6%	11.2%	£403,792
De Ddwyrain Lloegr	1.8%	5.9%	£220,509
Dwyrain Lloegr	1.4%	5.2%	£180,690
Dwyrain Canolbarth Lloegr	1.4%	4.1%	£126,939
Gogledd Ddwyrain Lloegr	1.3%	-0.1%	£97,596
Cymru a Lloegr	1.1%	4.4%	£167,353
De Orllewin Lloegr	1.0%	3.6%	£176,783
Gogledd Orllewin Lloegr	0.3%	1.7%	£110,008
Cymru	0.0%	3.5%	£118,268
Gorllewin Canolbarth Lloegr	-0.6%	3.2%	£131,800
Swydd Gaerefrog a’r Humber	-1.2%	0.5%	£116,012

Cyfartaledd prisiau yn ôl math o eiddo

Cyfartaledd prisiau yn ôl math o eiddo(Cymru a Lloegr)	Rhagfyr 2013	Rhagfyr 2012	Gwahaniaeth
Tŷ sengl	£263,040	£251,925	4.4%
Tŷ pâr	£158,771	£152,192	4.3%
Tŷ teras	£125,675	£121,391	3.5%
Fflat/fflat deulawr	£159,900	£151,158	5.8%
Holl	£167,353	£160,291	4.4%

Nifer y gwerthiannau 2011-2012

Mis	Gwerthiannau 2012 (Cymru a Lloegr)	Gwerthiannau 2011 (Cymru a Lloegr)	Gwahaniaeth
Ionawr	43,777	37,661	16%
Chwefror	44,865	39,709	13%
Mawrth	61,365	46,787	31%
Ebrill	43,269	50,809	-15%
Mai	52,536	49,027	7%
Mehefin	59,876	57,784	4%
Gorffennaf	59,153	62,362	-5%
Awst	65,022	64,472	1%
Medi	52,873	63,604	-17%
Hydref	59,213	58,053	2%
Tachwedd	63,945	60,429	6%
Rhagfyr	56,657	63,650	-11%
Cyfanswm	662,551	654,347	1%

Nifer y gwerthiannau 2012-2013

Mis	Gwerthiannau 2013 (Cymru a Lloegr)	Gwerthiannau 2012 (Cymru a Lloegr)	Gwahaniaeth
Ionawr	43,298	43,777	-1%
Chwefror	45,162	44,865	1%
Mawrth	54,546	61,365	-11%
Ebrill	50,819	43,269	17%
Mai	66,022	52,536	26%
Mehefin	65,477	59,876	9%
Gorffennaf	72,900	59,153	23%
Awst	77,975	65,022	20%
Medi	67,224	52,873	27%
Hydref	71,929	59,213	21%

Adfeddiannau fesul rhanbarth

Adfeddiannau fesul rhanbarth	Hydref 2013	Hydref 2012	Gwahaniaeth
Dwyrain Lloegr	98	133	-26%
Dwyrain Canolbarth Lloegr	93	153	-39%
Llundain	102	148	-31%
Gogledd Ddwyrain Lloegr	36	40	-10%
Gogledd Orllewin Lloegr	252	367	-31%
De Ddwyrain Lloegr	131	202	-35%
De Orllewin Lloegr	60	98	-39%
Cymru	105	114	-8%
Gorllewin Canolbarth Lloegr	87	130	-33%
Swydd Gaerefrog a’r Humber	165	251	-34%
Cymru a Lloegr	1,129	1,636	-31%

Mae’r Data Pris a Dalwyd yn cynnwys manylion dros 76,500 o werthiannau eiddo preswyl yng Nghymru a Lloegr a gyflwynwyd i’w cofrestru ym mis Rhagfyr 2013. Mae’r eiddo drutaf a werthwyd ym mis Rhagfyr 2013 wedi’i leoli ym mwrdeistref Kensington a Chelsea, Llundain, a werthwyd am £15 miliwn. Mae’r eiddo rhataf a werthwyd ym mis Rhagfyr 2013 wedi’i leoli yn Coventry, Gorllewin Canolbarth Lloegr, a werthwyd am £14,000.

Mynediad i'r set lawn o ddata pris a dalwyd

Mae’r Data Trafodiad yn dangos i’r Gofrestrfa Tir gwblhau dros 1,101,730 o geisiadau gan ei chwsmeriaid (gyda a heb gyfrif) ym mis Rhagfyr. Mae hyn yn cynnwys ceisiadau gan gwsmeriaid cyfrif, gyda 302,502 ohonynt yn geisiadau mewn perthynas â thir cofrestredig (deliadau); 410,489 yn geisiadau i gael copi swyddogol o gofrestru neu gynllun teitl; 181,847 yn chwiliadau a 73,619 yn drafodion am werth.

Mynediad i'r set lawn o ddata pris a dalwyd

Trafodion am werth

Tri phrif gwsmer	Trafodion am werth
My Home Move Limited	1,721
O'Neill Patient	701
Countrywide Property Lawyers	697

Chwiliadau

Tri phrif gwsmer	Chwiliadau
Enact	7,508
T M Group (UK) Ltd (Search Choice)	5,621
Optima Legal Services	5,224

Ceisiadau fesul rhanbarth

Rhanbarth	Ceisiadau
De Ddwyrain Lloegr	256,440
Llundain Fwyaf	201,569
Gogledd Orllewin Lloegr	118,778
De Orllewin Lloegr	113,074
Gorllewin Canolbarth Lloegr	90,368
Swydd Gaerefrog a’r Humber	86,757
Dwyrain Canolbarth Lloegr	82,110
Cymru	53,407
Gogledd Lloegr	53,305
Dwyrain Anglia	45,801
Cymru a Lloegr (heb eu haseinio)	87
Ynysoedd Sili	35
Cyfanswm	1,101,731

DIWEDD

Nodiadau i olygyddion

Cyhoeddir Data Tueddiadau’r Farchnad ar ugeinfed diwrnod gwaith pob mis. Cyhoeddir Mynegai Prisiau Tai a setiau data Trafodiad a Data pris a dalwyd mis Ionawr am 9.30 y bore ar 28 Chwefror 2014. Mynediad i’r calendr rhyddhau hyd at fis Hydref 2014.
Mae'r Grŵp Data Cyhoeddus yn dod â'r Gofrestrfa Tir, Tŷ’r Cwmnïau, y Swyddfa Dywydd a'r Arolwg Ordnans at ei gilydd i gydweithio i ddod o hyd i gyfleoedd a llywio effeithlonrwydd, yn ogystal â rhyddhau eu data i ddefnyddwyr ac ail-ddefnyddwyr am bris gostyngol neu am ddim.
Mae’r Drwydded Llywodraeth Agored (TLlA), a ddatblygwyd gan yr Archif Genedlaethol, yn caniatáu’r defnydd ac ail-ddefnydd rhydd o wybodaeth y sector gyhoeddus.
Fel adran o’r llywodraeth a sefydlwyd ym 1862, asiantaeth weithredol a chronfa fasnachu sy’n atebol i’r Ysgrifennydd Gwladol dros Fusnes, Arloesedd a Sgiliau, mae’r Gofrestrfa Tir yn cadw ac yn cynnal y Gofrestr Tir ar gyfer Cymru a Lloegr. Mae’r Gofrestr Tir yn ddogfen agored oddi ar 1990.
Gyda'r gronfa ddata o drafodion eiddo fwyaf o'r fath gyda manylion mwy na 23 miliwn o deitlau, mae'r Gofrestrfa Tir yn cefnogi'r economi trwy ddiogelu perchnogaeth eiddo sy'n werth biliynau o bunnoedd.
Mae'r Mynegai Prisiau Tai yn defnyddio sampl sy'n fwy na'r holl fesurau ystadegol eraill sydd ar gael. Mae'n cael ei gyfrifo ar sail set ddata'r Gofrestrfa Tir o holl werthiannau eiddo preswyl a gwblhawyd yng Nghymru a Lloegr oddi ar Ionawr 1995.
Mae set ddata'r Gofrestrfa Tir yn cynnwys manylion am 18.5 miliwn o drafodion preswyl. O'r rhain mae dros 6.5 miliwn yn barau cyfatebol y gellir eu hadnabod, sy'n darparu'r sail ar gyfer y dadansoddiad ailwerthiannau atchweliad a ddefnyddir i lunio'r mynegai. Mae'r dechnoleg addasu ansawdd hon yn sicrhau ein bod yn cymharu eiddo cyffelyb.
Mae'r prif ystadegau ar gyfer Cymru a Lloegr ar dudalen 14 yr adroddiad Mynegai Prisiau Tai misol yn cynnwys data adfeddiannau.
Mae'r data adfeddiannau yn seiliedig ar nifer y trafodion a gyflwynwyd i'r Gofrestrfa Tir gan roddwyr benthyg sy'n arfer eu pŵer gwerthu. Unwaith y byddwn wedi nodi'r trafodion hyn, rydym yn tynnu'r wybodaeth pris a dalwyd o'r cofnod perthnasol yn y gofrestr.
Er bod y Mynegai Prisiau Tai yn mynd yn ôl i Ionawr 1995, dim ond oddi ar 2006 rydym wedi bod yn cofnodi adfeddiannau'n gynhwysfawr. Mae hyn yn golygu nad yw data adfeddiannau hanesyddol ar gael cyn mis Ionawr 1995.
Mae tablau cefndir y Mynegai Prisiau Tai bellach ar gael fel Data Agored ar ffurf Excel a CSV ac mewn ffurf y gellir ei darllen ar beiriant fel data.
Mae'r Data Trafodiad misol yn dangos faint o geisiadau am gofrestriadau cyntaf, prydlesi, trosglwyddiadau o ran, deliadau, copïau swyddogol a chwiliadau a gyflwynwyd gan gwsmeriaid cyfrif y Gofrestrfa Tir. Gweler esboniad o'r termau a ddefnyddir yn y Data trafodiad.
Mae trafodion am werth yn cynnwys gwerthiannau rhydd-ddaliol a phrydlesol.
Gwneir y rhan fwyaf o chwiliadau gan gyfreithwyr neu drawsgludwyr i warchod pryniant a/neu forgais. Er enghraifft, bydd chwiliad yn rhoi blaenoriaeth i brynwr ar gyfer cais i'r Gofrestrfa Tir i gofrestru pryniant yr eiddo. Rhagor o wybodaeth am y gwahanol fathau o chwiliadau.
Mae’r Data Pris a Dalwyd yn ddata prisiau eiddo preswyl ar gyfer unrhyw werthiannau eiddo preswyl yng Nghymru a Lloegr a gyflwynir i ni i'w cofrestru yn ystod y mis hwnnw. Mae'r wybodaeth ganlynol ar gael ar gyfer pob eiddo:
- y cyfeiriad llawn
- y pris a dalwyd
- dyddiad y trosglwyddiad
- y math o eiddo
- ai adeilad newydd yw’r eiddo ai peidio
- ai rhydd-ddaliol neu brydlesol yw’r eiddo.
Gellir llwytho Data pris a dalwyd i lawr am ddim ar ffurf csv ac mewn ffurf y gellir ei darllen ar beiriant fel data cysylltiedig data pris a dalwyd. Mae ar gael i unrhyw un ei archwilio neu ei ail-ddefnyddio am ddim o dan y TLLA.
I gael rhagor o wybodaeth am y Gofrestrfa Tir ewch i www.cofrestrfatir.gov.uk. Dilynwch ni ar Twitter @LandRegGov. Dewch o hyd i ni ar LinkedIn, Facebook a'n blog.

Cysylltu

Ronal Patel 0300 006 7490, 07768 644685
ronal.patel@landregistry.gsi.gov.uk

Yn ôl i'r brig