Nodyn atgoffa: ffïoedd is yn dod i rym ar ddydd Llun 17 Mawrth 2014
Mae arbedion effeithlonrwydd a wnaed y llynedd gan y Gofrestrfa Tir, adran y llywodraeth sy’n gyfrifol am gofrestru tir yng Nghymru a Lloegr, yn golygu o ddydd Llun nesaf, 17 Mawrth 2014, mae’n gostwng rhai o’i ffïoedd, gan gynnwys gostyngiadau mewn ffïoedd ar gyfer llawer o geisiadau a gyflwynir yn electronig.
Y prif newidiadau yw:
- cyfuno’r ddau fand ffi Graddfa 1 isaf gan wneud y ffi am gofrestru eiddo gwerth hyd £80,000 yn £40 yn unig
- gostwng ffi Graddfa 1 o £120 i £80 ar gyfer eiddo rhwng £80,001 a £100,000.
- gostyngiad o 50 y cant yn y ffi ar gyfer llawer o geisiadau Graddfa 1 a Graddfa 2 pan gânt eu cyflwyno’n electronig. Er enghraifft, mae’r ffi am eiddo o werth cyfartalog yng Nghymru a Lloegr (£168,356 ym Mynegai Prisiau Tai mis Ionawr 2014 y Gofrestrfa Tir) yn cwympo o £190 i £95, ac o £910 i £455 ar gyfer eiddo gwerth dros £1 filiwn
- cyflwyno ffi sefydlog fesul dogfen am archwilio dogfennau a chopïau swyddogol o ddogfennau (£3 yn electronig a £7 am gais ar bapur).
Ffïoedd Graddfa 1 newydd
| Graddfa 1 | Ffi Bresennol | Ffi Newydd | Ffi Newydd (cyflwyno electronig) |
|---|---|---|---|
| £0 - £50,000 | £40 | £40 | £20 |
| £50,000 - £80,000 | £70 | £40 | £20 |
| £80,001 - £100,000 | £120 | £80 | £40 |
| £100,001 - £200,000 | £190 | £190 | £95 |
| £200,001 - £500,000 | £270 | £270 | £135 |
| £500,001 - £1 filiwn | £540 | £540 | £270 |
| Dros £1 filiwn | £910 | £910 | £455 |
DIWEDD
Nodiadau i olygyddion
- Daw Gorchymyn Ffi Cofrestru Tir 2013 i rym ar 17 Mawrth 2014.
Cyfarwyddyd i ffïoedd gwasanaethau cofrestru o fis Hydref 2014 (PDF, 137KB) Cyfarwyddyd i ffïoedd gwasanaethau gwybodaeth o fis Hydref 2014 (PDF, 226KB)
- Gyda'r gronfa ddata o drafodion eiddo fwyaf o'r fath gyda manylion mwy na 23 miliwn o deitlau, mae'r Gofrestrfa Tir yn cefnogi'r economi trwy ddiogelu perchnogaeth eiddo sy'n werth biliynau o bunnoedd.
- Fel adran o’r llywodraeth a sefydlwyd ym 1862, asiantaeth weithredol a chronfa fasnachu sy’n atebol i’r Ysgrifennydd Gwladol dros Fusnes, Arloesedd a Sgiliau, mae’r Gofrestrfa Tir yn cadw ac yn cynnal y Gofrestr Tir ar gyfer Cymru a Lloegr. Mae’r Gofrestr Tir yn ddogfen agored oddi ar 1990.
- I gael rhagor o wybodaeth am y Gofrestrfa Tir, ewch i www.cofrestrfatir.gov.uk. Dilynwch ni ar Twitter @LandRegGov. Dewch o hyd i ni ar LinkedIn, Facebook a'n blog.
Cysylltu
Marion Shelley 0300 006 7543, 07790 690297
marion.shelley@landregistry.gsi.gov.uk
