28 Mawrth 2013
PR 05/13

Data Tueddiadau'r Farchnad mis Chwefror gan y Gofrestrfa Tir

Prisiau tai mis Chwefror yn codi 0.2 y cant oddi ar fis Ionawr: prisiau tai cyfartalog yng Nghymru a Lloegr bellach yn £162,606
1,193 o adfeddiannau yng Nghymru a Lloegr yn ystod mis Rhagfyr 2012, Niferoedd yr adfeddiannau bellach wedi'u cynnwys yn adroddiad misol y Mynegai Prisiau Tai
De Ddwyrain Lloegr ar frig y tabl o geisiadau rhanbarthol ym mis Chwefror gyda 241,086 o geisiadau
Cyflwynwyd dros 49,300 o eiddo preswyl yng Nghymru a Lloegr i'w cofrestru ym mis Chwefror yn amrywio o £8,000 i £20.4 miliwn

Mae data mis Chwefror o Fynegai Prisiau Tai y Gofrestrfa Tir yn dangos cynnydd prisiau blynyddol o 1.0 y cant sy'n mynd â gwerth eiddo cyfartalog yng Nghymru a Lloegr i £162,606. Mae'r newid misol o fis Ionawr i fis Chwefror yn gynnydd o 0.2 y cant. Gostyngodd niferoedd yr adfeddiannau 26 y cant ym mis Rhagfyr 2012 i 1,193 o gymharu â 1,612 ym mis Rhagfyr 2011.

Y rhanbarth yng Nghymru a Lloegr welodd y cynnydd mwyaf yn ei werth eiddo cyfartalog yn ystod y 12 mis diwethaf yw Llundain gyda symudiad o 6.3 y cant.
Yng Nghymru y gwelwyd y cynnydd misol mwyaf gyda symudiad o 3.6 y cant.
Y rhanbarth gyda'r gostyngiad pris blynyddol mwyaf yw Swydd Gaerefrog a’r Humber gyda gostyngiad o 0.9 y cant.
De Orllewin Lloegr welodd y gostyngiad misol mwyaf arwyddocaol mewn prisiau gyda gostyngiad o 0.8 y cant.
Mae'r ffigurau mwyaf cyfredol sydd ar gael yn dangos i nifer y gwerthiannau tai a gwblhawyd yng Nghymru a Lloegr ym mis Rhagfyr 2012 ostwng 15 y cant i 53,860 o gymharu â 63,600 ym mis Rhagfyr 2011.
Mae nifer yr eiddo yng Nghymru a Lloegr a werthwyd am fwy nag £1 miliwn ym mis Rhagfyr 2012 wedi cynyddu 19 y cant i 598 o 501 ym mis Rhagfyr 2011.
Yr unig ranbarth i weld cynnydd o ran adfeddiannau yw Llundain gyda chynnydd o 3 y cant (Rhagfyr 2012 o gymharu â mis Rhagfyr 2011).

Llwythwch yr adroddiad Mynegai Prisiau Tai llawn i lawr
Chwilio'r Mynegai Prisiau Tai
Am y Mynegai Prisiau Tai

Rhanbarth	Newid misol (oddi ar fis Ionawr 2013)	Newid blynyddol (oddi ar fis Chwefror 2012)	Pris cyfartalog (Chwefror 2013)
Cymru	3.6%	1.7%	£120,410
Gogledd Ddwyrain Lloegr	3.4%	4.3%	£100,363
Gogledd Orllewin Lloegr	3.3%	-0.6%	£110,608
Swydd Gaerefrog a’r Humber	1.3%	-0.9%	£116,567
De Ddwyrain Lloegr	0.6%	2.0%	£211,749
Dwyrain Canolbarth Lloegr	0.4%	0.3%	£122,653
Cymru a Lloegr	0.2%	1.0%	£162,606
Llundain	-0.1%	6.3%	£370,819
Dwyrain Lloegr	-0.4%	0.3%	£173,846
Gorllewin Canolbarth Lloegr	-0.5%	-0.1%	£129,406
De Orllewin Lloegr	-0.8%	-0.7%	£170,299

Cyfartaledd prisiau yn ôl math o eiddo (Cymru a Lloegr)	Chwefror 2013	Chwefror 2012	Gwahaniaeth
Tŷ sengl	£254,137	£254,650	-0.2%
Tŷ pâr	£154,420	£153,323	0.7%
Tŷ teras	£123,567	£121,895	1.4%
Fflat/Fflat deulawr	£153,687	£150,417	2.2%
Holl	£162,606	£160,938	1.0%

Mis	Gwerthiannau 2012 (Cymru a Lloegr)	Gwerthiannau 2011 (Cymru a Lloegr)	Gwahaniaeth
Ionawr	43,745	37,638	16%
Chwefror	44,817	39,696	13%
Mawrth	61,293	46,772	31%
Ebrill	43,211	50,784	-15%
Mai	52,424	49,005	7%
Mehefin	59,680	57,754	3%
Gorffennaf	58,965	62,337	-5%
Awst	64,738	64,439	0%
Medi	52,475	63,577	-17%
Hydref	58,549	58,010	1%
Tachwedd	62,659	60,380	4%
Rhagfyr	53,860	63,600	-15%
Cyfanswm	656,416	653,992	0%

Adfeddiannau fesul rhanbarth	Rhagfyr 2012	Rhagfyr 2011	Gwahaniaeth
Dwyrain Lloegr	117	138	-15%
Dwyrain Canolbarth Lloegr	102	139	-27%
Llundain	157	153	3%
Gogledd Ddwyrain Lloegr	36	53	-32%
Gogledd Orllewin Lloegr	263	324	-19%
De Ddwyrain Lloegr	121	207	-42%
De Orllewin Lloegr	77	96	-20%
Cymru	80	111	-28%
Gorllewin Canolbarth Lloegr	88	137	-36%
Swydd Gaerefrog a’r Humber	152	254	-40%
Cymru a Lloegr	1,193	1,612	-26%

Mae'r Data Trafodiad Trafodiad yn dangos i'r Gofrestrfa Tir gwblhau dros 1,066,700 o geisiadau gan ei chwsmeriaid (gyda a heb gyfrif) ym mis Chwefror. Mae hyn yn cynnwys 1,024,018 o geisiadau gan gwsmeriaid cyfrif, gyda:

235,474 ohonynt yn geisiadau mewn perthynas â thir cofrestredig (deliadau)
489,822 yn geisiadau i gael copi swyddogol o gofrestr neu gynllun teitl
129,417 yn chwiliadau a
58,346 yn drafodion am werth.

Mynediad i'r set lawn o ddata trafodiad

Tri phrif gwsmer	Trafodion am werth
My Home Move Limited	981
Countrywide Property Lawyers	944
O'Neill Patient	605

Tri phrif gwsmer	Chwiliadau
Enact	4,201
Optima Legal Services	4,130
O’Neill Patient	2,816

Rhanbarth	Ceisiadau
De Ddwyrain Lloegr	241,086
Llundain Fwyaf	201,737
Gogledd Orllewin Lloegr	116,456
De Orllewin Lloegr	104,825
Gorllewin Canolbarth Lloegr	91,833
Swydd Gaerefrog a'r Humber	86,895
Dwyrain Canolbarth Lloegr	77,205
Cymru	52,579
Gogledd Lloegr	50,168
Dwyrain Anglia	43,889
Ynysoedd Sili	38
Cymru a Lloegr a (heb eu haseinio)	33
Cyfanswm	1,066,744

Mae'r Data pris a dalwyd yn cynnwys manylion dros 49,300 o werthiannau eiddo preswyl yng Nghymru a Lloegr a gyflwynwyd i'w cofrestru ym mis Chwefror 2013. Mae'r eiddo drutaf a werthwyd ym mis Chwefror 2013 wedi'i leoli ym mwrdeistref Haringey, Llundain, a werthwyd am dros £16 miliwn. Mae'r eiddo rhataf a werthwyd ym mis Chwefror 2013 wedi'i leoli yn Burnley, Swydd Gaerhirfryn, a werthwyd am £9,000.

Mynediad i'r set lawn o ddata pris a dalwyd

DIWEDD

Nodiadau i olygyddion

Cyhoeddir Data Tueddiadau'r Farchnad ar ugeinfed diwrnod gwaith pob mis. Cyhoeddir Mynegai Prisiau Tai a setiau data Trafodiad a Data pris a dalwyd mis Mawrth am 11 y bore ar ddydd Llun 29 Ebrill.
Mae'r Grŵp Data Cyhoeddus yn dod â'r Gofrestrfa Tir, Tŷ’r Cwmnïau, y Swyddfa Dywydd a'r Arolwg Ordnans at ei gilydd i gydweithio i ddod o hyd i gyfleoedd a llywio effeithlonrwydd, yn ogystal â rhyddhau eu data i ddefnyddwyr ac ail-ddefnyddwyr am bris gostyngol neu am ddim.
Mae'r Drwydded Llywodraeth Agored (TLlA), a ddatblygwyd gan yr Archif Genedlaethol, yn caniatáu’r defnydd ac ail-ddefnydd rhydd o wybodaeth y sector gyhoeddus. I gael rhagor o wybodaeth ewch i http://www.nationalarchives.gov.uk/doc/open-government-licence
Fel adran o’r llywodraeth a sefydlwyd ym 1862, asiantaeth weithredol a chronfa fasnachu sy’n atebol i’r Ysgrifennydd Gwladol dros Fusnes, Arloesedd a Sgiliau, mae’r Gofrestrfa Tir yn cadw ac yn cynnal y Gofrestr Tir ar gyfer Cymru a Lloegr. Mae’r Gofrestr Tir yn ddogfen agored oddi ar 1990.
Gyda'r gronfa ddata o drafodion eiddo fwyaf o'r fath gyda manylion mwy na 23 miliwn o deitlau, mae'r Gofrestrfa Tir yn cefnogi'r economi trwy ddiogelu perchnogaeth eiddo sy'n werth biliynau o bunnoedd.
Mae'r Mynegai Prisiau Tai yn defnyddio sampl sy'n fwy na'r holl fesurau ystadegol eraill sydd ar gael. Mae'n cael ei gyfrifo ar sail set ddata'r Gofrestrfa Tir o holl werthiannau eiddo preswyl a gwblhawyd yng Nghymru a Lloegr oddi ar Ionawr 1995.
Mae set ddata'r Gofrestrfa Tir yn cynnwys manylion am 17 miliwn o drafodion preswyl. O'r rhain mae dros chwe miliwn yn barau cyfatebol y gellir eu hadnabod, sy'n darparu'r sail ar gyfer y dadansoddiad ailwerthiannau atchweliad a ddefnyddir i lunio'r mynegai. Mae'r dechnoleg addasu ansawdd hon yn sicrhau ein bod yn cymharu eiddo cyffelyb.
Mae'r prif ystadegau ar gyfer Cymru a Lloegr ar dudalen 14 yr adroddiad Mynegai Prisiau Tai misol yn cynnwys data adfeddiannau ychwanegol.
Mae'r data adfeddiannau yn seiliedig ar nifer y trafodion a gyflwynwyd i'r Gofrestrfa Tir gan roddwyr benthyg sy'n arfer eu pŵer gwerthu. Unwaith y byddwn wedi nodi'r trafodion hyn, rydym yn tynnu'r wybodaeth pris a dalwyd o'r cofnod perthnasol yn y gofrestr.
Er bod y Mynegai yn mynd yn ôl i Ionawr 1995, dim ond oddi ar 2006 rydym wedi bod yn cofnodi adfeddiannau'n gynhwysfawr. Mae hyn yn golygu nad yw data adfeddiannau hanesyddol ar gael cyn mis Ionawr 2006. Gweler www.cofrestrfatir.gov.uk/public/house-prices-and-sales/about-hpi i gael rhagor o wybodaeth.
Mae'r Data Trafodiad misol yn dangos faint o geisiadau am gofrestriadau cyntaf, prydlesi, trosglwyddiadau o ran, deliadau, copïau swyddogol a chwiliadau a gyflwynwyd gan gwsmeriaid cyfrif y Gofrestrfa Tir. I gael esboniad o'r termau a ddefnyddir, ewch i www.cofrestrfatir.gov.uk/professional/market-trend-data/public-data/faqs.
Mae trafodion am werth yn cynnwys gwerthiannau rhydd-ddaliol a phrydlesol.
Mae'r rhan fwyaf o chwiliadau a gyflawnir gan gyfreithiwr neu drawsgludwr er mwyn gwarchod pryniant a/neu forgais. Er enghraifft, bydd chwiliad yn rhoi blaenoriaeth i brynwr am gais i'r Gofrestrfa Tir i gofrestru pryniant eiddo. I gael rhagor o wybodaeth am y gwahanol fathau o chwiliadau, ewch i www.cofrestrfatir.gov.uk/professional/market-trend-data/public-data/faqs.
Mae'r Data Pris a Dalwyd yn ddata prisiau eiddo preswyl ar gyfer unrhyw werthiannau eiddo preswyl yng Nghymru a Lloegr a gyflwynir i ni i'w cofrestru yn ystod y mis hwnnw. Mae'r wybodaeth ganlynol ar gael ar gyfer pob eiddo:
- y cyfeiriad llawn
- y pris a dalwyd
- dyddiad y trosglwyddiad
- y math o eiddo
- ai adeilad newydd yw'r eiddo ai peidio
- ai rhydd-ddaliol neu brydlesol yw'r eiddo.
Gellir ei llwytho i lawr o wefan y Gofrestrfa Tir fel cipolwg misol o'n cronfa ddata pris a dalwyd yn http://www.cofrestrfatir.gov.uk/professional/market-trend-data/public-data/price-paid-data ac mae ar gael i bawb ei harchwilio neu ei hail-ddefnyddio am ddim o dan y TLlA.
I gael Data Pris a Dalwyd hanesyddol, anfonwch ebost at addvalueservices@landregistry.gsi.gov.uk neu ffoniwch 0800 678 1678. Codir tâl am yr adroddiadau hyn.

Cysylltu

Ronal Patel 0300 006 7490ronal.patel@landregistry.gsi.gov.uk
Dilynwch ni ar Twitter @LandRegGov
Dewch o hyd i ni ar LinkedIn a Facebook