Data Tueddiadau'r Farchnad Mis Mehefin gan y Gofrestrfa Tir

Cofnodion prisiau tai ar gael fel data cysylltiedig gyda'r datganiad hwn

Prisiau tai mis Mehefin wedi codi 0.6 y cant oddi ar fis Mai: prisiau tai cyfartalog yng Nghymru a Lloegr bellach yn £162,621
1,185 o adfeddiannau yng Nghymru a Lloegr yn ystod mis Ebrill 2013
De Ddwyrain Lloegr ar frig y tabl o geisiadau rhanbarthol ym mis Mehefin gyda 271,936 o geisiadau
Cyflwynwyd dros 59,500 o eiddo preswyl yng Nghymru a Lloegr i'w cofrestru ym mis Mehefin yn amrywio o £10,500 i £15 miliwn

Mae data mis Mehefin o Fynegai Prisiau Tai blaenllaw y Gofrestrfa Tir yn dangos cynnydd prisiau blynyddol o 0.8 y cant sy'n mynd â gwerth eiddo cyfartalog yng Nghymru a Lloegr i £162,621. Mae'r newid misol o fis Mai i fis Mehefin yn dangos cynnydd o 0.6 y cant. Gostyngodd niferoedd yr adfeddiannau 26 y cant ym mis Ebrill 2013 i 1,185 o gymharu â 1,599 ym mis Ebrill 2012.

Y rhanbarth yng Nghymru a Lloegr welodd y cynnydd mwyaf yn ei werth eiddo cyfartalog yn ystod y 12 mis diwethaf yw Llundain gyda symudiad o 6.9 y cant.
Llundain welodd y cynnydd pris misol mwyaf hefyd gyda symudiad o 3.1 y cant.
Gogledd Ddwyrain Lloegr yw’r rhanbarth a welodd y gostyngiad pris blynyddol mwyaf gyda symudiad o 3.8 y cant.
Gogledd Ddwyrain Lloegr welodd y gostyngiad misol mwyaf arwyddocaol mewn prisiau hefyd gyda gostyngiad o 2.2 y cant.
Mae'r ffigurau mwyaf cyfredol sydd ar gael yn dangos i nifer y gwerthiannau tai a gwblhawyd yng Nghymru a Lloegr ym mis Ebrill 2013 gynyddu 12 y cant i 48,367 o gymharu â 43,252 ym mis Ebrill 2012.
Bu cynnydd o 45 y cant yn nifer yr eiddo a werthwyd am fwy nag £1 miliwn yng Nghymru a Lloegr ym mis Ebrill 2013 i 703 o 484 ym mis Ebrill 2012.
Gorllewin Canolbarth Lloegr oedd yr unig ranbarth i weld cynnydd (8 y cant) mewn adfeddiannau yn y cyfnod rhwng mis Ebrill 2012 a mis Ebrill 2013. Y rhanbarth welodd y gostyngiad mwyaf mewn adfeddiannau oedd Llundain gyda gostyngiad o 37 y cant (mis Ebrill 2013 o gymharu â mis Ebrill 2012

Llwythwch adroddiad llawn mis Mehefin y Mynegai Prisiau Tai i lawr (PDF, 457KB)
Chwilio'r Mynegai Prisiau Tai
Ein Mynegai Prisiau Tai

Rhanbarth	Newid misol (oddi ar fis Mai 2013)	Newid blynyddol (oddi ar fis Mehefin 2012)	Pris cyfartalog (Mehefin 2013)
Llundain	3.1%	6.9%	£383,930
Cymru	2.9%	1.6%	£117,385
Gorllewin Canolbarth Lloegr	0.8%	0.5%	£130,060
Cymru a Lloegr	0.6 %	0.8%	£162,621
De Ddwyrain Lloegr	0.3%	1.0%	£209,985
Dwyrain Lloegr	-0.1%	0.1%	£174,066
De Orllewin Lloegr	-0.2%	0.0%	£172,152
Dwyrain Canolbarth Lloegr	-0.2%	0.4%	£122,820
Swydd Gaerefrog a'r Humber	-0.7%	-2.1%	£115,529
Gogledd Orllewin Lloegr	-1.3%	-2.7%	£107,703
Gogledd Ddwyrain Lloegr	-2.2%	-3.8%	£96,373

Cyfartaledd prisiau yn ôl math o eiddo

Cyfartaledd prisiau yn ôl math o eiddo(Cymru a Lloegr)	Mehefin 2013	Mehefin 2012	Gwahaniaeth
Tŷ sengl	£256,512	£255,460	0.4%
Tŷ pâr	£153,453	£152,453	0.7%
Tŷ teras	£122,940	£122,511	0.3%
Fflat/Fflat deulawr	£154,317	£151,275	2.0%
Holl	£162,621	£161,343	0.8%

Nifer y gwerthiannau 2011-2012

Mis	Gwerthiannau 2012 (Cymru a Lloegr)	Gwerthiannau 2011 (Cymru a Lloegr)	Gwahaniaeth
Ionawr	43,762	37,649	16%
Chwefror	44,837	39,704	13%
Mawrth	61,343	46,783	31%
Ebrill	43,252	50,800	-15%
Mai	52,510	49,016	7%
Mehefin	59,832	57,764	4%
Gorffennaf	59,108	62,348	-5%
Awst	64,962	64,457	1%
Medi	52,786	63,591	-17%
Hydref	59,113	58,030	2%
Tachwedd	63,747	60,407	6%
Rhagfyr	56,361	63,628	-11%
Cyfanswm	661,613	654,177	1%

Nifer y gwerthiannau 2012-2013

Mis	Gwerthiannau 2013 (Cymru a Lloegr)	Gwerthiannau 2012 (Cymru a Lloegr)	Gwahaniaeth
Ionawr	43,000	43,762	-2%
Chwefror	44,621	44,837	0%
Mawrth	53,244	61,343	-13%
Ebrill	48,367	43,252	12%

Adfeddiannau fesul rhanbarth

Adfeddiannau fesul rhanbarth	April 2013	April 2012	Difference
Dwyrain Lloegr	89	129	-31%
Dwyrain Canolbarth Lloegr	117	153	-24%
Llundain	99	157	-37%
Gogledd Ddwyrain Lloegr	31	42	-26%
Gogledd Orllewin Lloegr	254	380	-33%
De Ddwyrain Lloegr	131	166	-21%
De Orllewin Lloegr	85	102	-17%
Cymru	81	117	-31%
Gorllewin Canolbarth Lloegr	142	131	8%
Swydd Gaerefrog a'r Humber	156	222	-30%
Cymru a Lloegr	1,185	1,599	-26%

Mae'r Data Trafodiad yn dangos i'r Gofrestrfa Tir gwblhau dros 1,178,400 o geisiadau gan ei chwsmeriaid (gyda a heb gyfrif) ym mis Mehefin. Mae hyn yn cynnwys 1,135,152 o geisiadau gan gwsmeriaid cyfrif, gyda 264,597 ohonynt yn geisiadau mewn perthynas â thir cofrestredig (deliadau); 527,433 yn geisiadau i gael copi swyddogol o gofrestr neu gynllun teitl; 165,576 yn chwiliadau a 63,116 yn drafodion am werth.

Mynediad i'r set ddata trafodiad llawn

Trafodion am werth

Tri phrif gwsmer	Trafodion am werth
My Home Move Limited	1,249
Countrywide Property Lawyers	881
O'Neill Patient	698

Chwiliadau

Tri phrif gwsmer	Chwiliadau
Enact	6,495
Optima Legal Services	4,738
TN Group (UK) Ltd (Search Choice)	3,187

Ceisiadau fesul rhanbarth

Rhanbarth	Ceisiadau
De Ddwyrain Lloegr	271,936
Llundain Fwyaf	221,192
Gogledd Orllewin Lloegr	123,158
De Orllewin Lloegr	118,664
Gorllewin Canolbarth Lloegr	98,760
Swydd Gaerefrog a'r Humber	93,932
Dwyrain Canolbarth Lloegr	85,479
Gogledd Lloegr	58,684
Cymru	58,155
Dwyrain Anglia	48,336
Ynysoedd Sili	77
Cymru a Lloegr (heb eu haseinio)	39
Cyfanswm	1,178,412

Mae'r Data pris a dalwyd yn cynnwys manylion dros 59,500 o werthiannau eiddo preswyl yng Nghymru a Lloegr a gyflwynwyd i'w cofrestru ym mis Mehefin 2013. Mae'r eiddo drutaf a werthwyd ym mis Mehefin 2013 wedi'i leoli yng nghanol Llundain, a werthwyd am £12,250,000. Mae'r eiddo rhataf a werthwyd ym mis Mehefin 2013 wedi'i leoli yn Accrington, swydd Gaerhirfryn, a werthwyd am £13,000.

Mynediad i'r set ddata pris a dalwyd llawn

DIWEDD

Nodiadau i olygyddion

Cyhoeddir Data Tueddiadau'r Farchnad ar ugeinfed diwrnod gwaith pob mis. Cyhoeddir Mynegai Prisiau Tai a setiau data Trafodiad a Data pris a dalwyd mis Gorffennaf am 11 y bore ar ddydd Iau 29 Awst.
Mae'r Grŵp Data Cyhoeddus yn dod â'r Gofrestrfa Tir, Tŷ’r Cwmnïau, y Swyddfa Dywydd a'r Arolwg Ordnans at ei gilydd i gydweithio i ddod o hyd i gyfleoedd a llywio effeithlonrwydd, yn ogystal â rhyddhau eu data i ddefnyddwyr ac ail-ddefnyddwyr am bris gostyngol neu am ddim.
Mae'r Drwydded Llywodraeth Agored (TLlA) a ddatblygwyd gan yr Archif Genedlaethol, yn caniatáu’r defnydd ac ail-ddefnydd rhydd o wybodaeth y sector gyhoeddus.
Fel adran o’r llywodraeth a sefydlwyd ym 1862, asiantaeth weithredol a chronfa fasnachu sy’n atebol i’r Ysgrifennydd Gwladol dros Fusnes, Arloesedd a Sgiliau, mae’r Gofrestrfa Tir yn cadw ac yn cynnal y Gofrestr Tir ar gyfer Cymru a Lloegr. Mae’r Gofrestr Tir yn ddogfen agored oddi ar 1990.
Gyda'r gronfa ddata o drafodion eiddo fwyaf o'r fath gyda manylion mwy na 23 miliwn o deitlau, mae'r Gofrestrfa Tir yn cefnogi'r economi trwy ddiogelu perchnogaeth eiddo sy'n werth biliynau o bunnoedd.
Mae'r Mynegai Prisiau Tai yn defnyddio sampl sy'n fwy na'r holl fesurau ystadegol eraill sydd ar gael. Mae'n cael ei gyfrifo ar sail set ddata'r Gofrestrfa Tir o holl werthiannau eiddo preswyl a gwblhawyd yng Nghymru a Lloegr oddi ar Ionawr 1995.
Mae set ddata'r Gofrestrfa Tir yn cynnwys manylion am 17 miliwn o drafodion preswyl. O'r rhain mae dros chwe miliwn yn barau cyfatebol y gellir eu hadnabod, sy'n darparu'r sail ar gyfer y dadansoddiad ailwerthiannau atchweliad a ddefnyddir i lunio'r mynegai. Mae'r dechnoleg addasu ansawdd hon yn sicrhau ein bod yn cymharu eiddo cyffelyb.
Mae'r prif ystadegau ar gyfer Cymru a Lloegr ar dudalen 14 yr adroddiad Mynegai Prisiau Tai misol yn cynnwys data adfeddiannau ychwanegol.
Mae'r data adfeddiannau yn seiliedig ar nifer y trafodion a gyflwynwyd i'r Gofrestrfa Tir gan roddwyr benthyg sy'n arfer eu pŵer gwerthu. Unwaith y byddwn wedi nodi'r trafodion hyn, rydym yn tynnu'r wybodaeth pris a dalwyd o'r cofnod perthnasol yn y gofrestr.
Er bod y Mynegai yn mynd yn ôl i Ionawr 1995, dim ond oddi ar 2006 rydym wedi bod yn cofnodi adfeddiannau'n gynhwysfawr. Mae hyn yn golygu nad yw data adfeddiannau hanesyddol ar gael cyn mis Ionawr 2006.
Mae tablau cefndir y Mynegai Prisiau Tai bellach ar gael fel Data Agored ar ffurf Excel a CSV ac mewn ffurf y gellir ei darllen ar beiriant fel data cysylltiedig
Mae'r Data Trafodiad misol yn dangos faint o geisiadau am gofrestriadau cyntaf, prydlesi, trosglwyddiadau o ran, deliadau, copïau swyddogol a chwiliadau a gyflwynwyd gan gwsmeriaid cyfrif y Gofrestrfa Tir. Gweler esboniad o'r termau a ddefnyddir.
Mae trafodion am werth yn cynnwys gwerthiannau rhydd-ddaliol a phrydlesol.
Mae'r rhan fwyaf o chwiliadau a gyflawnir gan gyfreithiwr neu drawsgludwr er mwyn gwarchod pryniant a/neu forgais. Er enghraifft, bydd chwiliad yn rhoi blaenoriaeth i brynwr am gais i'r Gofrestrfa Tir i gofrestru pryniant eiddo. Rhagor o wybodaeth am y gwahanol fathau o chwiliadau.
Mae'r Data Pris a Dalwyd iyn ddata prisiau eiddo preswyl ar gyfer unrhyw werthiannau eiddo preswyl yng Nghymru a Lloegr a gyflwynir i ni i'w cofrestru yn ystod y mis hwnnw. Mae'r wybodaeth ganlynol ar gael ar gyfer pob eiddo:
- y cyfeiriad llawn
- y pris a dalwyd
- dyddiad y trosglwyddiad
- y math o eiddo
- ai adeilad newydd yw'r eiddo ai peidio
- ai rhydd-ddaliol neu brydlesol yw'r eiddo.
Gellir ei llwytho i lawr o wefan y Gofrestrfa Tir fel cipolwg misol o'n cronfa ddata pris a dalwyd ac mae ar gael i bawb ei harchwilio neu ei hail-ddefnyddio am ddim o dan y TLlA.
Gellir llwytho Data pris a dalwyd hanesyddol rhwng mis Ionawr 2009 a mis Ionawr 2012 i lawr am ddim ar ffurf csv ac ar ffurf y gellir ei darllen ar beiriant fel data cysylltiedig.
I gael Data Pris a Dalwydhanesyddol rhwng 1995 a 2008, anfonwch ebost at addvalueservices@landregistry.gsi.gov.uk neu ffoniwch 0800 678 1678. Codir tâl am yr adroddiadau hyn er y byddant ar gael i'w llwytho i lawr am ddim erbyn mis Tachwedd 2013.

Cysylltu

Ronal Patel 0300 006 7490, 07768 644685, ronal.patel@landregistry.gsi.gov.uk
Dilynwch ni ar Twitter @LandRegGov
Dewch o hyd i ni ar LinkedIn a Facebook