Rhyngwladol

Mae gennym dros 150 o flynyddoedd o brofiad a gwybodaeth o ddatblygu systemau cofrestru tir o'r radd flaenaf.

Trwy ein Huned Ryngwladol gallwn rannu'r arbenigedd hwn gyda gwledydd eraill i'w helpu i ddatblygu systemau a phrosesau cofrestru a gweinyddu tir effeithiol. Mae ein Huned Ryngwladol wedi bodoli ers dros ddeng mlynedd. Ei diben yw rhoi cyngor a gwybodaeth dechnegol i wledydd sy'n ceisio:

sefydlu a datblygu perchnogaeth tir preifat
diogelu daliadaeth tir
datblygu marchnadoedd tir a morgais effeithiol.

Manteision

Rydym ar flaen y gad yn y gwaith o ddarparu gwasanaethau cofrestru tir – gan ategu sefydlogrwydd a thwf economaidd byd-eang.
Rydym yn rhannu gwybodaeth ac arbenigedd gyda gwledydd eraill er mwyn datblygu systemau a phrosesau gweinyddu tir effeithiol. Mae sicrwydd perchnogaeth a hawliau tir yn ategu sefydlogrwydd economaidd ac mae'n cynyddu hyder mewn buddsoddi.
Mae ein gwasanaethau dibynadwy o safon wedi'u teilwra i ddiwallu eich anghenion unigol.

Ein gwasanaethau

Cyngor a chefnogaeth Gwybodaeth ac arbenigedd gweinyddu tir perthnasol am ystod eang o feysydd gweinyddu a pholisi tir. Sut y gallwn helpu >>
Ymweliadau addysgol Trefnu ymweliad â'n swyddfeydd yn y DU. Mae rhaglenni wedi'u teilwra i ddiwallu'ch anghenion penodol. Ymweld â ni >>
Hyfforddiant Hyfforddiant gyda'n datrysiadau hyfforddi arbennig, p'un ai ydych ar lefel mynediad neu broffesiynol. Hyfforddi gyda ni >>
Partneriaethau busnes Gweithiwch gyda ni ar brosiectau rhyngwladol, p'un ai ydych yn y sector cyhoeddus neu'r sector preifat. Gweithio gyda ni >>