Find a property

Mae gennym amrywiaeth o wasanaethau i'w defnyddio gan y cyhoedd – 'Find a Property' yw’r enw arnynt.

Gallwch brynu copïau ar-lein o gofrestri teitl, cynlluniau teitl a chanlyniadau Flood Risk Indicator ar ffurf PDF ar gyfer dros 23 miliwn o eiddo cofrestredig yng Nghymru a Lloegr.

Mae'r gofrestr teitl yn cynnwys manylion perchnogaeth ac, ar gyfer y rhan fwyaf o eiddo sydd wedi newid dwylo oddi ar fis Ebrill 2000, gwybodaeth am bris eiddo. Sylwer na allwn ddarparu manylion unrhyw eiddo nad yw'n gofrestredig.

Efallai y byddwch:

am edrych ar gofrestr teitl a/neu gynllun teitl eiddo rydych yn berchen arno
am ganfod pwy sy'n berchen ar eiddo penodol
am ganfod stent eiddo
â diddordeb mewn prynu eiddo
am brydlesu neu rentu eiddo ac yn gorfod cysylltu â'r landlord.

Mae'r Flood Risk Indicator yn ganlyniad testunol sy'n nodi'r risg o lifogydd i dir cofrestredig. Mae'n cyfuno data llifogydd Asiantaeth yr Amgylchedd a data eiddo'r Gofrestrfa Tir i roi arwydd lefel uchel i gwsmeriaid p'un ai yw darn o dir mewn perygl o lifogydd ai peidio.

Ymhlith manteision Find a property mae:

mewngofnodi diogel trwy wefan y Gofrestrfa Tir
ffordd gyfleus o dalu trwy gerdyn credyd neu ddebyd
mynediad i wybodaeth teitl ar unwaith ar y sgrîn
llinell gymorth ffôn benodol
gellir gwneud ymholiad eiddo bob dydd rhwng 7am a 12 hanner nos, dydd Llun i ddydd Sadwrn
y gallu i chwilio am eiddo trwy gyfeiriad post neu Aerial Land Locator.

Ffïoedd

Mae cofrestru ar gyfer gwasanaethau Find a property y Gofrestrfa Tir am ddim. Gwneir taliadau dilynol am wasanaethau penodol trwy gerdyn credyd neu ddebyd. Caiff y ffi lawn ei thalu i'r Gofrestrfa Tir trwy WorldPay, cwmni sy'n arbenigo mewn taliadau electronig diogel.

Beth sydd ei angen arnaf?

Er mwyn defnyddio'r gwasanaeth hwn mae'n rhaid bod yn ddefnyddiwr cofrestredig. Gofynnir i chi gofrestru i gael cyfrif neu fewngofnodi unwaith y byddwch yn barod i brynu gwybodaeth ar gyfer eiddo penodol.

Er mwyn llwytho canlyniadau chwiliad i lawr, bydd angen y canlynol arnoch: