Llywodraethu'r Gofrestrfa Tir

Cyfrifoldeb dau uwch fwrdd rheoli y Gofrestrfa Tir yw llywodraethu da, atebolrwydd cyhoeddus a rheolaeth strategol a beunyddiol.

Mae Bwrdd y Gofrestrfa Tir (BGT) yn gyfrifol am gyfeiriad strategol, llywodraethu da, a pherfformiad cyffredinol y Gofrestrfa Tir. Caiff ei gadeirio gan swyddog anweithredol annibynnol ac mae'n cynnwys dau gyfarwyddwr anweithredol sy'n cadeirio'r Pwyllgor Tâl a'r Pwyllgor Archwilio hefyd.

Mae'r Bwrdd Gweithredol (BG) yn sicrhau bod y cynllun busnes blynyddol yn cael ei gyflawni ac mae'n gyfrifol am reolaeth feunyddiol y Gofrestrfa Tir.

Bwrdd y Gofrestrfa Tir (BGT)

Diben Bwrdd y Gofrestrfa Tir yw gosod strategaeth gyffredinol y Gofrestrfa Tir a chynorthwyo'r Prif Gofrestrydd Tir a Phrif Weithredwr yn ei gyfrifoldeb a'i atebolrwydd terfynol mewn perthynas â llywodraethu a pherfformiad da'r Gofrestrfa Tir.

Aelodau

Mark Boyle – Cadeirydd Anweithredol
Malcolm Dawson OBE – Prif Gofrestrydd Tir a Phrif Weithredwr
John Peaden – Cyfarwyddwr Gweithrediadau
Heather Foster – Cyfarwyddwr Cyllid
Catherine Raines – Cyfarwyddwr Anweithredol
Kirsty Pearce – Cyfarwyddwr Anweithredol

Liz Conn – Ysgrifennydd

Cyfrifoldebau

Yn benodol, mae Bwrdd y Gofrestrfa Tir yn:

gosod y strategaeth gyffredinol ac yn penderfynu ar ei blaenoriaethau
cymeradwyo'r gyllideb a'r dangosyddion perfformiad allweddol ac amcanion eraill i'w rhoi gerbron yr Ysgrifennydd Gwladol ar gyfer Busnes, Menter a Sgiliau bob blwyddyn ac yn sicrhau bod cynnydd yn cael ei wneud i'w cyflawni
adolygu perfformiad, rheolaeth risg a rheoli trwy gyfrwng adroddiadau lefel uchel o'r Bwrdd Gweithredol
adolygu llywodraethu'r busnes gan gynnwys iechyd a diogelwch, yr iaith Gymraeg, amrywiaeth, peryglon busnes a materion archwiliad
trafod materion a allai effeithio ar gyfeiriad strategol y busnes neu ei enw da.

Y Bwrdd Gweithredol (BG)

Diben y Bwrdd Gweithredol yw cymeradwyo cynllun busnes blynyddol y Gofrestrfa Tir a bod yn gyfrifol am reolaeth feunyddiol y Gofrestrfa Tir.

Aelodau

Malcolm Dawson OBE (Cadeirydd) – Prif Gofrestrydd Tir a Phrif Weithredwr
Alasdair Lewis – Cyfarwyddwr Gwasanaethau Cyfreithiol
John Peaden – Cyfarwyddwr Gweithrediadau
Heather Foster – Cyfarwyddwr Cyllid
Annette Davies-Govett - Cyfarwyddwr y Strategaeth Fasnachol a Chwsmeriaid
Rowland Coombs – Cyfarwyddwr Systemau Gwybodaeth
David Evans – Cyfarwyddwr Adnoddau Dynol

Victoria Henry – Ysgrifennydd

Cyfrifoldebau

Yn benodol, mae'r Bwrdd Gweithredol yn:

cymeradwyo cynllun busnes blynyddol y Gofrestrfa Tir
awgrymu dangosyddion perfformiad allweddol y Gofrestrfa Tir ac yn monitro eu hynt
adolygu'r sefyllfa o ran gweithrediadau, cyllid, adnoddau dynol a systemau gwybodaeth a materion a gyfeirir atynt gan gadeiryddion is-fyrddau
codi materion i Fwrdd y Gofrestrfa Tir i'w hadolygu a'u datrys sy'n effeithio'n gyffredinol ar strategaeth y Gofrestrfa Tir.