(PR05/12) 23/03/2012
Data Tueddiadau'r Farchnad mis Chwefror gan y Gofrestrfa Tir
Mae data trafodion a gwybodaeth pris a dalwyd misol manwl bellach ar gael yn ogystal â'r Mynegai Prisiau Tai a'r Data trafodiad
Prisiau tai mis Chwefror yn codi 0.1 y cant oddi ar fis Ionawr: prisiau tai cyfartalog yng Nghymru a Lloegr bellach yn £161,588
De Ddwyrain Lloegr ar frig y tabl o geisiadau rhanbarthol ym mis Chwefror gyda 250,045 o geisiadau
Cyflwynwyd dros 56,000 o brisiau gwerthiannau eiddo preswyl yng Nghymru a Lloegr i'w cofrestru ym mis Chwefror
Fel rhan o'i hymrwymiad i flaenoriaethau'r Llywodraeth o ran twf economaidd a thryloywder data, mae gwybodaeth pris a dalwyd manwl y Gofrestrfa Tir bellach ar gael yn fisol yn ogystal â'r Mynegai Prisiau Tai a'r data trafodiad.
Mae'r Data Pris a Dalwyd cyntaf am ddim a ryddhawyd gan y Gofrestrfa Tir, fel un o sylfaenwyr y Grŵp Data Cyhoeddus, yn cynnwys manylion dros 56,000 o werthiannau eiddo preswyl yng Nghymru a Lloegr a gyflwynwyd i'w cofrestru ym mis Chwefror 2012. Mae'r wybodaeth ganlynol ar gael ar gyfer pob eiddo:
- y cyfeiriad llawn
- y pris a dalwyd
- dyddiad y trosglwyddiad
- y math o eiddo
- ai adeilad newydd yw'r eiddo ai peidio
- ai rhydd-ddaliol neu brydlesol yw'r eiddo.
Gellir ei llwytho i lawr o wefan y Gofrestrfa Tir fel cipolwg misol o'n cronfa ddata pris a dalwyd yn http://www.cofrestrfatir.gov.uk/market-trend-data/price-paid-data ac mae ar gael i unrhyw un ei archwilio neu ei ail-ddefnyddio am ddim o dan y Drwydded Llywodraeth Agored (TLlA).
Mae data mis Chwefror o Fynegai Prisiau Tai blaenllaw y Gofrestrfa Tir yn dangos gostyngiad prisiau blynyddol o 0.6 y cant sy'n mynd â gwerth eiddo cyfartalog yng Nghymru a Lloegr i £161,588. Mae'r newid misol o fis Ionawr i fis Chwefror yn gynnydd o 0.1 y cant.
Y rhanbarth yng Nghymru a Lloegr welodd y cynnydd mwyaf yn ei werth eiddo cyfartalog yn ystod y 12 mis diwethaf yw Llundain gyda symudiad o 4.2 y cant. Yng Nghymru y gwelwyd y cynnydd misol mwyaf gyda symudiad o 2.0 y cant. Gwelodd Gogledd Orllewin Lloegr y gostyngiad prisiau blynyddol mwyaf gyda gostyngiad o 3.5 y cant. Gogledd Ddwyrain Lloegr welodd y gostyngiad misol mwyaf arwyddocaol mewn prisiau gyda gostyngiad o 2.6 y cant.
Mae'r ffigurau mwyaf cyfredol sydd ar gael yn dangos i nifer y gwerthiannau tai a gwblhawyd yng Nghymru a Lloegr ym mis Rhagfyr 2011 gynyddu 8 y cant i 61,470 o gymharu â 56,875 ym mis Rhagfyr 2010. Mae nifer yr eiddo yng Nghymru a Lloegr a werthwyd am fwy nag £1 miliwn ym mis Rhagfyr 2011 wedi gostwng 13 y cant i 488 o 559 ym mis Rhagfyr 2010.
I gael rhagor o wybodaeth, ewch i http://www.cofrestrfatir.gov.uk/house-prices
Dilynwch ni ar Twitter @LandRegGov
| Rhanbarth | Newid misol (oddi ar fis Ionawr 2012)) | Newid blynyddol (oddi ar fis Chwefror 2011) | Pris cyfartalog (Chwefror 2012)) |
|---|---|---|---|
| Cymru | 2.0% | -1.9% | £117,927 |
| Llundain | 1.4% | 4.2% | £354,300 |
| De Ddwyrain Lloegr | 1.2% | 1.1% | £209,065 |
| Dwyrain Canolbarth Lloegr | 1.2% | -1.6% | £124,208 |
| Gorllewin Canolbarth Lloegr | 0.6% | -0.9% | £130,323 |
| De Orllewin Lloegr | 0.1% | 0.1% | £172,659 |
| Cymru a Lloegr | 0.1% | -0.6% | £161,588 |
| Gogledd Orllewin Lloegr | -0.5% | -3.5% | £110,931 |
| Dwyrain Lloegr | -0.7% | -1.8% | £171,852 |
| Swydd Gaerefrog a’r Humber | -1.1% | -3.1% | £118,531 |
| Gogledd Ddwyrain Lloegr | -2.6% | -2.5% | £99,385 |
| Prisiau cyfartalog yn ôl math o eiddo (Cymru a Lloegr) | Chwefror 2012 | Chwefror 2011 | Gwahaniaeth |
|---|---|---|---|
| Ty sengl | £253,678 | £257,861 | -1.6% |
| Ty pâr | £152,720 | £153,935 | -0.8% |
| Ty teras | £123,314 | £123,927 | -0.5% |
| Fflat/Fflat deulawr | £151,942 | £150,961 | 0.6% |
| Holl | £161,588 | £162,541 | -0.6% |
| Mis | Gwerthiannau 2011 (Cymru a Lloegr) | Gwerthiannau 2010 (Cymru a Lloegr) | Gwahaniaeth |
|---|---|---|---|
| Ionawr | 37,576 | 35,870 | 5% |
| Chwefror | 39,666 | 42,565 | -7% |
| Mawrth | 46,709 | 51,449 | -9% |
| Ebrill | 50,674 | 52,314 | -3% |
| Mai | 48,896 | 52,213 | -6% |
| Mehefin | 57,571 | 62,758 | -8% |
| Gorffennaf | 62,146 | 67,511 | -8% |
| Awst | 64,160 | 61,502 | 4% |
| Medi | 63,181 | 57,491 | 10% |
| Hydref | 57,462 | 58,647 | -2% |
| Tachwedd | 59,456 | 56,322 | 6% |
| Rhagfyr | 61,470 | 56,875 | 8% |
| Cyfanswm | 648,967 | 655,517 | -1% |
Mae'r Data Trafodiad yn dangos i'r Gofrestrfa Tirdderbyn dros 1 miliwn o geisiadau gan ei holl gwsmeriaid (gyda a heb gyfrif) ym mis Chwefror. Mae hyn yn cynnwys 1,020,472 o geisiadau gan gwsmeriaid cyfrif, gyda 224,939 ohonynt yn geisiadau mewn perthynas â thir cofrestredig (deliadau), 490,981 yn geisiadau i gael copi swyddogol o gofrestr neu gynllun teitl, 139,486 yn chwiliadau a 51,101 yn drafodion am werth.
| Tri phrif gwsmer | Trafodion am werth |
|---|---|
| My Home Move Limited | 898 |
| Countrywide Property Lawyers | 741 |
| O'Neill Patient | 487 |
| Tri phrif gwsmer | Chwiliadau |
|---|---|
| Enact | 5,140 |
| Optima Legal Services | 4,955 |
| TM Group (UK) Ltd (Search Choice) | 4,381 |
| Tair prif awdurdod lleol | Ceisiadau |
|---|---|
| Birmingham | 17,156 |
| City of Westminster | 16,623 |
| Leeds | 12,675 |
| Rhanbarth | Ceisiadau |
|---|---|
| De Ddwyrain Lloegr | 250,045 |
| Llundain Fwyaf | 194,031 |
| Gogledd Orllewin Lloegr | 119,401 |
| De Orllewin Lloegr | 111,142 |
| Gorllewin Canolbarth Lloegr | 94,477 |
| Swydd Gaerefrog a'r Humber | 90,014 |
| Dwyrain Canolbarth Lloegr | 79,029 |
| Cymru | 55,303 |
| Gogledd Lloegr | 52,084 |
| Dwyrain Anglia | 44,453 |
| Ynysoedd Sili | 47 |
| Cymru a Lloegr (heb eu haseinio) | 34 |
| Cymru a Lloegr | 1,090,060 |
DIWEDD
Nodiadau i olygyddion
- Cyhoeddir Mynegai Prisiau Tai a setiau data Trafodiad a Phris a Dalwyd mis Mawrth am 11 y bore ar ddydd Mawrth 1 Mai 2012.
- Cyhoeddir Data Tueddiadau'r Farchnad ar ugeinfed diwrnod gwaith pob mis.
- Mae'r Drwydded Llywodraeth Agored (TLlA), a ddatblygwyd gan yr Archif Genedlaethol, yn caniatáu’r defnydd ac ail-ddefnydd o wybodaeth y sector gyhoeddus am ddim. I gael rhagor o wybodaeth ewch i http://www.nationalarchives.gov.uk/doc/open-government-licence
- Mae'r Grŵp Data Cyhoeddus yn dod â'r Gofrestrfa Tir, Tŷ’r Cwmnïau, y Swyddfa Dywydd a'r Arolwg Ordnans at ei gilydd i gydweithio i ddod o hyd i gyfleoedd a llywio effeithlonrwydd, yn ogystal â rhyddhau eu data i ddefnyddwyr ac ail-ddefnyddwyr am bris gostyngol neu am ddim.
- Gyda'r gronfa ddata o drafodion eiddo fwyaf o'r fath gyda manylion mwy na 23 miliwn o deitlau, mae'r Gofrestrfa Tir yn cefnogi'r economi trwy ddiogelu perchnogaeth eiddo sy'n werth biliynau o bunnoedd.
- Mae'r Data Pris a Dalwyd yn ddata prisiau eiddo preswyl ar gyfer unrhyw werthiannau eiddo preswyl yng Nghymru a Lloegr a gyflwynir i ni i'w cofrestru yn ystod y mis hwnnw.
- I gael Data pris a dalwyd hanesyddol, anfonwch ebost at addvalueservices@landregistry.gsi.gov.uk neu ffoniwch 0800 678 1678. Codir tâl am yr adroddiadau hyn.
- Mae'r Mynegai Prisiau Tai yn defnyddio sampl sy'n fwy na'r holl fesurau ystadegol eraill sydd ar gael. Mae'n cael ei gyfrifo ar sail set ddata'r Gofrestrfa Tir o holl werthiannau eiddo preswyl a gwblhawyd yng Nghymru a Lloegr oddi ar Ionawr 1995.
- Mae set ddata'r Gofrestrfa Tir yn cynnwys manylion mwy nag 16 miliwn o drafodion preswyl. O'r rhain mae dros chwe miliwn yn barau cyfatebol y gellir eu hadnabod, sy'n darparu'r sail ar gyfer y dadansoddiad ailwerthiannau atchweliad a ddefnyddir i lunio'r mynegai. Mae'r dechnoleg addasu ansawdd hon yn sicrhau ein bod yn cymharu eiddo cyffelyb.
- Mae'r Data Trafodiad misol yn dangos faint o geisiadau am gofrestriadau cyntaf, prydlesi, trosglwyddiadau o ran, deliadau, copïau swyddogol a chwiliadau a gyflwynwyd gan gwsmeriaid cyfrif y Gofrestrfa Tir. I gael esboniad o'r byrfoddau a thermau a ddefnyddir, ewch i http://www.cofrestrfatir.gov.uk/market-trend-data/public-data/faqs#m11
- Mae trafodion am werth yn cynnwys gwerthiannau rhydd-ddaliol a phrydlesol.
- Mae'r rhan fwyaf o chwiliadau a gyflawnir gan gyfreithiwr neu drawsgludwr er mwyn gwarchod pryniant a/neu forgais. Er enghraifft, bydd chwiliad yn rhoi blaenoriaeth i brynwr am gais i'r Gofrestrfa Tir i gofrestru pryniant eiddo. I gael rhagor o wybodaeth am y gwahanol fathau o chwiliadau, ewch i http://www.cofrestrfatir.gov.uk/market-trend-data/public-data/faqs#m11
- Mae eleni'n nodi 150 mlwyddiant y Gofrestrfa Tir. Fel adran o’r llywodraeth a sefydlwyd ym 1862, asiantaeth weithredol a chronfa fasnachu sy’n atebol i’r Ysgrifennydd Gwladol dros Fusnes, Arloesedd a Sgiliau, mae’r Gofrestrfa Tir yn cadw ac yn cynnal y Gofrestr Tir ar gyfer Cymru a Lloegr. Mae’r Gofrestr Tir yn ddogfen agored oddi ar 1990.
- I gael rhagor o wybodaeth am y Gofrestrfa Tir ewch i www.cofrestrfatir.gov.uk
Cysylltu
Marion Shelley 0300 0067543, 07790 690297
marion.shelley@landregistry.gsi.gov.uk
