Deddf Gwahaniaethu ar Sail Anabledd 1995

Beth yw ein Cyfrifoldebau i Ddefnyddwyr Llys?

Dywed y Ddeddf ei bod yn anghyfreithlon gwahaniaethu drwy:

• wrthod darparu, neu beidio â darparu'n fwriadol, unrhyw wasanaeth i berson anabl a ddarparwn neu yr ydym yn fodlon ei ddarparu i aelodau eraill y cyhoedd
• ei gwneud hi'n amhosibl neu'n afresymol o anodd i berson anabl ddefnyddio ein gwasanaethau
• fethu â darparu gwasanaeth o'r un ansawdd i berson anabl ag a ddarperir i unrhyw ddefnyddiwr llys arall
• fethu â darparu ein gwasanaethau i berson anabl ar yr un telerau ag unrhyw ddefnyddiwr llys arall

Enghreifftiau o addasiadau

Ers cyflwyno'r Ddeddf Gwahaniaethu ar Sail Anabledd, mae Gwasanaeth Llysoedd Ei Mawrhydi wedi bod yn gweithio i sicrhau ein bod yn cyflawni ein dyletswyddau a'n bod yn gweithredu o fewn ysbryd y Ddeddf. Mae rhai o'r newidiadau'n cynnwys:

• Gwella mynediad i lysoedd a chael gwared ar rwystrau ffisegol. Er enghraifft, tynnu grisiau a gostwng cownteri.
• Darparu Palanteipyddion a Chyfieithwyr BSL ar gyfer pobl fyddar
• Llinell gymorth anabledd arbennig ar gyfer cwsmeriaid
• Darparu taflenni print bras/Braille
• Systemau dolen sain mewn Llysoedd
• Arwyddion gwell ar gyfer pobl sydd â nam ar eu golwg
• Cyfleusterau parcio gwell