English | Botymau Mynediad | Map o'r Safle | Adborth

Swyddfa Costau’r Prif Lysoedd

Ein prif swyddogaeth yw darparu asesiad manwl o gostau. Dyma’r broses o archwilio, ac os yw’n angenrheidiol, lleihau bil costau twrnai neu ymgyfreithiwr wyneb yn wyneb.  Mae’r costau’n cynnwys nid yn unig ffioedd proffesiynol y twrnai ei hun, ond hefyd treuliau, gan gynnwys ffioedd bargyfreithwyr ac arbenigwyr.   Diben asesiad manwl yw –

• pennu faint o gostau y mae gan barti llwyddiannus mewn achos yr hawl i’w hadfer gan ei wrthwynebydd aflwyddiannus 
• pennu’r swm y dylai twrnai neu fargyfreithiwr ei gael o gyllid cyhoeddus mewn achosion a ariennir gan y cyhoedd 
• pennu faint y dylai cleient ei dalu i’w dwrnai dan y Ddeddf Twrneiod.

Mae pwy sy’n asesu costau yn dibynnu ar y math o achos ac a yw’n cael ei ariannu gan y cyhoedd ai peidio.  Rydym yn delio’n bennaf â chostau sy’n berthnasol i’r holl achosion yn:

• Adran Siawnsri, Adran Deulu ac Adran Mainc y Frenhines yr Uchel Lys,
• y Llys Apêl (Civil Division)
• Grwp Llysoedd Sirol Llundain. 

Mae hefyd yn delio â chostau mewn materion sy’n gysylltiedig â’r Llys Gwarchod, amrywiol dribiwnlysoedd ac asesiadau a gaiff eu trosglwyddo o lysoedd sirol a chofrestrfeydd dosbarth eraill.  Mae hefyd yn delio ag apeliadau yn erbyn pennu costau yn Llys y Goron

Caiff costau eu hasesu gan y Barnwyr Costau (Meistri) neu Swyddogion Awdurdodedig y Llys.

Cyfarwyddyd i lenwi tystysgrif costau diofyn ar gyfer eu codi / selio yn Swyddfa Costau'r Prif Lysoedd