This snapshot, taken on
07/05/2009
, shows web content acquired for preservation by The National Archives. External links, forms and search may not work in archived websites and contact details are likely to be out of date.
 
 
The UK Government Web Archive does not use cookies but some may be left in your browser from archived websites.

Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Pobl ifanc

Pobl ifanc

Cyffuriau a throseddu

Mae'n bosib eich bod chi'n meddwl mai dim ond rhywun sy'n cael ei ddal yn gwerthu cyffuriau y bydd yr heddlu'n ei arestio. Ond fe all defnyddio cyffuriau at eich defnydd personol hyd yn oed arwain at ddirwy fawr neu gyfnod yn y carchar.

Dosbarthiadau o gyffuriau

Bydd pob cyffur yn cael ei ddosbarthu i un o dri chategori, yn ôl pa mor beryglus ydyn nhw:

  • Cyffuriau sy'n cael yr effaith fwyaf niweidiol yw cyffuriau Dosbarth A -   mae'r cyffuriau hyn yn cynnwys heroin, cocên, ecstasi ac LSD
  • Mae Cyffuriau Dosbarth B yn llai peryglus na rhai Dosbarth A, ond maen nhw'n dal i fod yn beryglus os cân nhw'u camddefnyddio - mae cyffuriau Dosbarth B yn cynnwys sbîd ac amffetaminau eraill
  • Mae cyffuriau Dosbarth C yn llai peryglus i'r defnyddiwr na chyffuriau Dosbarth A a Dosbarth B. Wedi dweud hynny, maen nhw'n dal i fod yn anghyfreithlon ac fe allan nhw fod yn niweidiol. Mae cyffuriau Dosbarth C yn cynnwys canabis, GHB a rhai tawelyddion

Bod â chyffuriau yn eich meddiant

Os cewch chi'ch dal â chyffuriau yn eich bag neu yn eich poced, mae'n bosib y cewch chi'ch cyhuddo o fod â sylwedd anghyfreithlon yn eich meddiant, a hynny os mai chi biau'r stwff ai peidio. Os ydych chi dan 17 oed, mae gan yr heddlu yr hawl i roi gwybod i'ch rhiant neu'ch gofalwr eich bod wedi cael eich dal.

Os ydych chi wedi cael eich dal â chyffuriau yn eich meddiant, mae'n hynod debygol y cewch chi'ch arestio ac y bydd y cyffuriau'n cael eu cymryd oddi arnoch. Bydd y gosb gewch chi'n dibynnu ar ba fath o gyffur y mae'r heddlu wedi dod o hyd iddo a'ch hanes personol.

Os ydyn nhw'n dod o hyd i gyffur Dosbarth C arnoch chi a chithau heb hanes troseddol, fe gewch chi rybudd ffurfiol neu rybuddiad gan yr heddlu fan leiaf. Os byddan nhw'n dod o hyd i gyffur dosbarth A neu B arnoch chi, neu os oes gennych hanes o droseddau gyda chyffuriau, rydych yn debygol o wynebu cosb lymach o lawer.

Dyma'r dedfrydau mwyaf posibl ar gyfer bod â chyffuriau'r gwahanol yn eich meddiant:

  • hyd at saith mlynedd o garchar neu ddirwy heb derfyn (neu'r ddau) ar gyfer cyffur Dosbarth A
  • hyd at bum mlynedd o garchar neu ddirwy heb derfyn (neu'r ddau) ar gyfer cyffur Dosbarth B
  • hyd at ddwy flynedd o garchar neu ddirwy heb derfyn (neu'r ddau) ar gyfer cyffur Dosbarth C

Fe all y dedfrydau hyn fod yn fwy o lawer os ydych chi'n delio mewn cyffuriau neu'n eu gwerthu - hyd yn oed os mai dim ond i ffrindiau y byddwch chi'n eu rhoi neu hyd yn oed os nad oes arian yn newid dwylo.

Bwriad o gyflenwi a delio

Mae'r cosbau ar gyfer cyflenwi cyffuriau'n llymach o lawer. Dylech gofio hefyd nad dim ond i ddelwyr y mae cyflenwi cyffuriau'n berthnasol. Os bydd yr heddlu'n meddwl eich bod yn bwriadu rhannu cyffuriau gyda'ch ffrindiau, mae hynny'n dal i gael i ystyried yn gyflenwi.

Mae'r heddlu'n fwy tebygol o'ch cyhuddo os ydyn nhw'n amau eich bod yn bwriadu cyflenwi cyffuriau, ond byddan nhw'n dal i ystyried faint o gyffuriau oedd gennych arnoch, a'ch hanes troseddu.

Y dedfrydau mwyaf ar gyfer bwriad o gyflenwi cyffuriau yw:

  • hyd at oes yn y carchar neu ddirwy heb derfyn (neu'r ddau) ar gyfer cyffur Dosbarth A
  • hyd at 14 mlynedd o garchar neu ddirwy heb derfyn (neu'r ddau) ar gyfer cyffur Dosbarth B neu Dosbarth C

Ydy canabis yn dal i fod yn anghyfreithlon?

Cafodd canabis ei israddio o fod yn gyffur Dosbarth B i fod yn Gyffur Dosbarth C ym mis Ionawr 2004. Er gwaetha'r israddio, mae canabis yn dal i fod yn anghyfreithlon. Mae'r ddedfryd fwyaf ar gyfer bod â chanabis yn eich meddiant yn dal i fod yr un fath ag ar gyfer cyffuriau Dosbarth C eraill, ond mae'r ddedfryd fwyaf o garchar ar gyfer ei gyflenwi'n dal i fod yn 14 mlynedd - yr un fath â chyffuriau Dosbarth B eraill.

Cyfyngiadau eraill

Er nad ydyn nhw'n anghyfreithlon, mae cyfyngiadau ar werthu sylweddau eraill a all fod yn niweidiol os cân nhw'u camddefnyddio:

  • mae yn erbyn y gyfraith i siop werthu toddyddion, petrol llenwi taniwr sigarets a rhai mathau o lud i bobl dan 18 os ydyn nhw'n credu y byddwch chi'n eu defnyddio fel cyffur
  • os ydych chi dan 16 oed , chewch chi ddim prynu alcohol, sigarets, sigarau na thybaco.

Yn yr adran hon

Allweddumynediad llywodraeth y DU