Newidiadau i’r ‘Hawl i Reoli’ ar gyfer Cwmnïau yn Lloegr

Mae’r ‘Rheoliadau RTM ar gyfer Cwmnïau (Erthyglau Enghreifftiol) (Lloegr) 2009’ (OS 2009/2767) yn berthnasol i’r holl gwmnïau ‘Hawl i Reoli’ a gofrestrwyd gyda Thŷ’r Cwmnïau.

Daeth y rheoliadau hyn i rym ar 9 Tachwedd 2009 ac maent yn cymryd lle’r ‘Rheoliadau RTM ar gyfer Cwmnïau (Memorandwm ac Erthyglau Cymdeithasu) (Lloegr) 2003’. Bydd y rheoliadau hyn yn berthnasol yn awtomatig i bob cwmni RTM o 1 Hydref 2010 ymlaen, oni bai bod cwmni eisoes wedi eu mabwysiadu trwy benderfyniad arbennig.

Darllen rheoliadau 2009 (Saesneg yn unig)

Hyd ddiwedd 30 Medi 2010, caiff cwmnïau hŷn â’r Hawl i Reoli (hynny yw, cwmnïau a gofrestrwyd yn Nhŷ’r Cwmnïau cyn Tachwedd 2009) ddewis mabwysiadu’r erthyglau diwygiedig trwy gyflwyno copi o’r erthyglau ynghyd â phenderfyniad arbennig a gymeradwywyd gan aelodau’r cwmni.

O 1 Hydref 2010 ymlaen, caiff yr Erthyglau Cymdeithasu enghreifftiol newydd eu cymhwyso’n awtomatig i’r holl gwmnïau â’r Hawl i Reoli a gorfforwyd cyn 9 Tachwedd 2009 ac sydd heb eu mabwysiadu eisoes.

Os oes unrhyw ymholiadau gennych am gymhwyso’r Erthyglau enghreifftiol hyn ar gyfer RTM Lloegr, cysylltwch â’r Adran Cymunedau a Llywodraeth Leol.

Dylech nodi bod rheoliadau gwahanol yn berthnasol i gwmnïau RTM yng Nghymru.

Mae Llywodraeth Cynulliad Cymru’n bwriadu cyflwyno ei rheoliadau hithau cyn gynted â phosibl. Yn y cyfamser, os oes unrhyw ymholiadau gennych am fabwysiadu Erthyglau newydd ar gyfer cwmnïau newydd RTM Cymru, dylech gysylltu â:

Alyn Williams

ebost: alyn.williams@wales.gsi.gov.uk

teleffon: 01685 729191